ಕನಸು ಮತ್ತು ಪ್ರೀತಿ

ಸತ್ಯ ಸಾಯಿ ಬಾಬಾ

2011-04-24T06:00:00.000-07:00

ಮಾತು ಆರಂಭಿಸುವ ಮುನ್ನ

ಅಗಸ್ಟ್ ೨೦೦೯ ಕ್ಕೆ ನನ್ನ ಬ್ಲಾಗ್ ಗೆ ತಡೆಯಾಜ್ಞೆ ಬಂದಿತ್ತು. ಅಬ್ಬಾ ಸಾಯಿಬಾಬಾ ಇನ್ನಿಲ್ಲ ಆನ್ನುವ ಕಾರಣವೋ ಗೊತ್ತಿಲ್ಲ ತಡೆಯಾಜ್ಞೆ ತೆರವಾಗಿದೆ. ಹಾಗಾಗಿ ಬಾಬಾ ಕುರಿತು ಇವತ್ತು ಪೋಸ್ಟ್ ಮಾಡುತ್ತಿದ್ದೇನೆ. ಮುಂದೆ ಅಡೆತಡೆಗಳಿಲ್ಲದೆ ಬ್ಲಾಗ್ ನಡೆದುಹೋಗುತ್ತೆ ಅನ್ನಉವ ಭರವಸೆ ಇದೆ.
-----------------------------------------------------------------------------------

ಪುಟ್ಟಪರ್ತಿಯಲ್ಲಿ ನೀರವ ಮೌನ

ಸತ್ಯ ಸಾಯಿಬಾಬಾ ಆಸ್ಪತ್ರೆಯಲ್ಲಿದ್ದಾರೆ. ಸಾವು ಬದುಕಿನ ನಡುವೆ ಹೋರಾಟ ನಡೆದಿದೆ. ತಾನು ಸಾಯುವ ದಿನ ಘೋಷಿಸಿದ್ದ ಸತ್ಯಸಾಯಿ ಬಾಬಾನಿಗೆ ಈ ಸ್ಥಿತಿ ಅಂದಾಗ ನಾನು ಅಚ್ಚರಿಯಾಗಿದೆ. ಜಗತ್ತಿನ ಕಣ್ಣೀರು ಓರೆಸ ಹೊರಟವನಿಗೆ ಈ ಸ್ಥಿತಿ ಅಂದ್ರೆ ಯಾರಿಗೆ ನೋವಾಗುವುದಿಲ್ಲ ಹೇಳಿ.ಹಾಗಂತ ನಾನು ಬಾಬಾನನ್ನ ಭಗವಂತ ಅಂದವನಲ್ಲ.ನನ್ನ ಅನುಭದ ಕಾರಣಕ್ಕೆ ಬಾಬಾ ಬಗ್ಗೆ ಆಭಿಮಾನವಿದೆ.ಕಳ್ಳ ಬಾಬಾಗಳಿಗಿಂತ ಸತ್ಯಸಾಯಿ ಬಾಬಾರ ಬಗ್ಗೆ ಒಂದಿಷ್ಟು ಪ್ರೀತಿಯಿದೆ.

ಮರು ಪ್ರವೇಶ - ಆರ್ಥಿಕ ಹಿಂಜರಿತದ ನೆಪ

2009-08-02T12:24:00.000-07:00

ಹೀಗೆಲ್ಲ ಯಾಕೆ ಆಗುತ್ತೆ ಅನ್ನುವ ಪ್ರಶ್ನೆಗೆ ಉತ್ತರವಿಲ್ಲ.ಕಣಜ ಬರಿದಾಯಿತೆ ಅನ್ನುವ ಆತಂಕ ಕಾಡುತ್ತಿದೆ.ಹಾಗೆನಿಲ್ಲ ಅದದ್ದು ಇಷ್ಟೆ ಭಾರೀ ಸಂಭ್ರಮದಿಂದ ಪ್ರಾರಂಭಗೊಂಡ ಬ್ಲಾಗು ಹೀಗೆ ನೀರಸವಾಯಿತೇ ಎನ್ನುವ ಪ್ರಶ್ನೆಗೆ ಹುಡುಕಾಟ ನಡೆದಿದೆ. ಇದು ನನ್ನ ಒಬ್ಬನ ಪ್ರಶ್ನೆಯಲ್ಲ. ಸುಮಾರು ಬ್ಲಾಗುಗಳು ಅಪ್ ಡೇಟ್ ಭಾಗ್ಯಕ್ಕೆ ಕಾಯುತ್ತಿದೆ.

ನನ್ನ ಪಾಡು: ಇಂದಲ್ಲ,ನಾಳೆ,ನಾಳೆ ಇಲ್ಲ ನಾಡಿದ್ದು ಹೀಗೆ ದಿನ ದೂಡಿ ತಿಂಗಳು ಕಳೆದಿದೆ. ಹೌದು ಸ್ವಾಮಿ ರಿಸಿಷನ್ ಪ್ರಭಾವ. ಗೂಗ್ಲ್ ಕ್ಲಿಕ್ ಮಾಡಬೇಕಾದರೂ only for news ಅನ್ನುವ ಎಚ್ಚರಿಕೆಯ ಗಂಟೆ.ಸೈಬರ್ ಗೆ ಹೋಗೋಣ ಎಂದರೆ ಅಯ್ಯೋ ಟೈಂ ಎಲ್ಲಿದೆ ಮಾರಾಯ. ಅದ್ರೆ ಚಯರ್ ಸವೆಸಿದ ಕ್ಷಣ ಗೊತ್ತಿಲ್ಲದೆ ಸರಿದಿದೆ.

ನನ್ನ ಸ್ವಗತ ೧: laptop ತೆಗೆದು ಬ್ಲಾಗ್ ಅಪ್ ಡೇಟ್ ಮಾಡೋಣ ಎಂದರೆ ಯಾವ ಬ್ಯಾಂಕು ಲೋನ್ ಕೊಡಲ್ಲ. ಬದಲಿಗೆ ನಮ್ಮ ಪಾಲಿಗೆ ಬಾಗಿಲು ಮುಚ್ಚಿರುವ ಬ್ಯಾಂಕ್ ನ ವಾರ್ಷಿಕ ,ಅರ್ಧ ವಾರ್ಷಿಕ ವಹಿವಾಟನ್ನು ಬರೆಯುವುದನ್ನು ತಪ್ಪಿಸುವಂತಿಲ್ಲ. ಎಲ್ಲಿಗೆ ಕಾಲ ಬಂತು ಸ್ವಾಮಿ.
ನನ್ನ ಸ್ವಗತ ೨:ಬಹು ಮಹಡಿ ಕಟ್ಟದಿಂದ ಯಾರೋ ಹಾರಿದರಂತೆ,ಎಲೆಕ್ಟ್ರಾನಿಕ್ ಸಿಟಿಯಲ್ಲಿ ಕ್ಯಾಟ್ ವಾಕ್ ಇವೆಲ್ಲ IMP.ಇದರಲ್ಲೇ ಕಾಲ ಕಳೆದು ಹೋಯಿತು.ದಾಲ್ ರೇಟ್ ಜಾಸ್ತಿಯಾಗಿದೆ.ಒಂದು ಚಿಕ್ಕ ದಾಲ್ ಒಳಗಡೆ ಸಾವಿರ ಕಥೆಯಿದೆ.MNC ಕಂಪನಿಗಳು ದಾಲ್ ರೇಟ್ ಗಗನಮುಖಿಯಾಗಲು ಪ್ರಮುಖ ಕಾರಣ.ಆದರೆ ಇವನೆಲ್ಲಾ ನಾವು ಬರೆಯುವ ಹಾಗಿಲ್ಲ.ಅಂದ ಹಾಗೆ ನೀವು ಯಾಕೆ ಅಂತ ಕೇಳುವ ಹಾಗಿಲ್ಲ. ಬ್ಯಾಂಕ್ ಗೂ ದಾಲ್ ಗೆ ಎಂಥಾ ಸಂಬಂಧ ನೋಡಿ.

ಮಿರ್ಚಿಕಾ ಮರ್ಜಿ

ಟಿ.ವಿ ಬಗ್ಗೆ ಪತ್ರಿಕೆಗಳು ಚರ್ಚೆ ನಡೆಸಿತು. ಈಗ ಪತ್ರಿಕೆ ಬಗ್ಗೆ ಪತ್ರಿಕೆಯಲ್ಲೇ ಚರ್ಚೆ ಪ್ರಾರಂಭಗೊಂಡಿದೆ. ಈ ನಡುವೆ ಟಿ.ವಿ ನಲ್ಲಿ ಪೇಪರ್ ಬಗ್ಗೆ ಚರ್ಚೆ ಚರ್ಚೆ ನಡೆಸಲು ಸಿದ್ದತೆ ನಡೆಸಿತು. ಪ್ರೋಮೋ ಬಿಟ್ಟರೆ ಮತ್ತೇನೂ ಅಲ್ಲಿ ಬರಲೇ ಇಲ್ಲ. ಪೇಪರ್ ಬಗ್ಗೆ ಪೇಪರ್ ನಲ್ಲೆ ಚರ್ಚೆ ನಡೆಯಿತು ಅಂತ ಟಿ.ವಿ ನಲ್ಲಿ ಟಿ.ವಿ ಬಗ್ಗೆ ಚರ್ಚೆಯಾಗಲ್ಲ. ಯಾಕೆಂದರೆ ನಮ್ಮದೂ ಅನಿವಾರ್ಯ ಸಹಕಾರ ಸಂಘ ನಿಗಮ ನಿಯಮಿತ.

ಒಂದಿಷ್ಟೆ ಹೊತ್ತು

2009-05-03T04:37:00.000-07:00

ಕತ್ತಲಾಗಿದೆ ಜಗತ್ತು
ಬೆತ್ತಲಾಗಿದೆ ಮನಸ್ಸು
ಮೈ ಮನ ಆವರಿಸಿದೆ ಮುನಿಸು
ನಕ್ಷತ್ರದ ಸುತ್ತ ಕಪ್ಪು ಚುಕ್ಕೆ
ಮಲ್ಲಿಗೆ ಕಂಪಿನಲ್ಲೂ
ಬೆವರ ಪರಿಮಳ ಆವರಿಸಿದೆ

ಕನಸುಗಳಿಗೆ ಮೊರ್ತ ಸ್ವರೂಪ
ಬದುಕಿನಲ್ಲಿ ಸಂಭ್ರಮದ ಕ್ಷಣ
ಕೆಲವೇ ಹೊತ್ತು ಮಲ್ಲಿಗೆ ಅರಳಿದೆ
ಮತ್ತೆ ಮೊಗ್ಗು ಕಟ್ಟುವ ಆಶೆ

ಮಲ್ಲಿಗೆ ಪರಿಮಳ ಬೆವತಿದೆ
ಪರಿಮಳ ಹೀರಬೇಕು

ಕೂದಲ ಬೇರಲ್ಲಿ ಕಂಪನ
ಕನಸಿನ ಮೋಡ ಮಳೆಯಾಗಿದೆ

ಬೆಳಕು ಹರಿವ ಹೊತ್ತಿಗೆ ನಿರಾಳ
ಮೈ ಮನದ ಸುತ್ತ ಮಲ್ಲಿಗೆಯದ್ದೆ ಘಮ ಘಮ

ಬದುಕು

2009-04-18T00:10:00.000-07:00

ಶರಣಾಗುತ್ತೇನೆ ಗೆಳತಿ
ನಿನ್ನ ಪಾದ ತಳದಲ್ಲಿ
ಬಿರು ಬಿಸಿಲಲ್ಲಿ ತಂಗಾಳಿಯಾಗುತ್ತೇನೆ
ಅಮಾವಸೆ ಕತ್ತಲಲ್ಲಿ
ಮಿಂಚು ಹುಳವಾಗುತ್ತೇನೆ
ಆದರೆ
ಮಳೆ ಬಂದಾಗ ಮರವಾಗಲಾರೆ
ನಿನ್ನ ಕಣ್ಣಂಚಿನಲ್ಲಿ ಕಣ್ಣೀರಾಗುವ
ಬದಲು
ನಿನ್ನ ಉಸಿರಾಗುತ್ತೇನೆ

ಇಷ್ಟೆಲ್ಲ ನಿನಗಾಗಿ
ನನಗಾಗಿ ನೀನು ಬದುಕಾಗಬೇಡ
ನನ್ನ ರೆಪ್ಪೆಯೊಳಗಿನ ಕನಸಾಗು
ಅಷ್ಟೆ ಸಾಕು ನಾನು ಬದುಕು ಕಟ್ಟುತ್ತೇನೆ

ಈ ಸಾವು ನ್ಯಾಯವೇ?

2009-02-02T03:21:00.000-08:00

ಖಂಡಿತಾ ಈ ಲೇಖನ ಓದಿದ ನಂತರ ನಮ್ಮ ವ್ಯವಸ್ಥೆಯ ಬಗ್ಗೆ ಮತ್ತೆ ಪ್ರಶ್ನೆಯೊಂದು ಎದುರಾಗುತ್ತದೆ.ದಯವಿಟ್ಟು ಕ್ಷಮಿಸಿ ನಮ್ಮ ಕೈಯಲ್ಲಿ ಸಾಧ್ಯವಾಗಬಹುದಾದ ಕೆಲಸವನ್ನು ಮಾಡಿದ್ದೇವೆ.ಕೊನೆಯದಾಗಿ ಈ ವಿಷಯವನ್ನು ಹೊರ ಜಗತ್ತಿಗೆ ತಿಳಿಸಿಕೊಡುವ ಮತ್ತೊಂದು ಪ್ರಯತ್ನ ಇಲ್ಲಿದೆ.

ಈ ಸಾವು ನ್ಯಾಯವೇ ಎನ್ನುವ ಮಾತಿನ ಹಿಂದೆ ಸಮಾಧಾನಕ್ಕೆ ನಿಲುಕದ ನೋವಿದೆ.ಸಾವಿನ ಪ್ರಚಾರಕ್ಕೂ ಇಂತಹ ತಾರತಮ್ಯವೇ ಎನ್ನುವ ಪ್ರಶ್ನಾರ್ಥಕ ಚಿಹ್ನೆಯಿದೆ.
ನಿಮಗೆ ನೆನಪಿರಬಹುದು ಹಳೆ ವಿಮಾನ ರಸ್ತೆಯಲ್ಲಿ ಬೈಕ್ ವೀಲಿಂಗ್ ಮಾಡಿ,ಪೋಲೀಸರ ಕಣ್ಣು ತಪ್ಪಿಸಲು ಹೋದ ಮೊಕ್ರಂ ಎನ್ನುವ ಯುವಕ ಸೇನೆಯ ಗುಂಡಿಗೆ ಬಲಿಯಾದಾಗ ಸಿಕ್ಕ ಪ್ರಚಾರ.ರಾಷ್ಟ್ರೀಯ ವಾಹಿನಿಗಳು ಸೇರಿದಂತೆ ಮಾಧ್ಯಮಗಳು ಸಾಕಷ್ಟು ಈ ಬಗ್ಗೆ ಬರೆದಿದ್ದವು.ಇದು ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಸಹಜ.ಆದರೆ ಅಗಬಾರದ ಅನಾಹುತ ಆಯಿತು ಅಂತ ಬರೆದರಲ್ಲ ಅದು ದುರದೃಷ್ಟ. ಆದರೆ ಇದಕ್ಕೆ ವ್ಯತಿರಿಕ್ತವಾದ ಘಟನೆ ನಡೆದಿದೆ.ಆದರೆ ಸುದ್ದಿಯಾಗಲಿಲ್ಲ.ಸದ್ದೂ ಮಾಡಲಿಲ್ಲ.ಕಂದಮ್ಮಳನ್ನು ಕಳೆದುಕೊಂಡ ಮನಸ್ಸುಗಳು ಮಾತ್ರ ಜೀವನ ಪರ್ಯಂತ ನರಳುವಂತಾಗಿದೆ.

ಆದು ಜನವರಿ ೩೦ರ ಸಂಜೆ.ಬೆಂಗಳೂರಿನ ಗೋವಿಂದರಾಜ ನಗರದ ಮನೆಯೊಂದರಲ್ಲಿ ಸಂಭ್ರಮದ ಸಿದ್ದತೆ ನಡೆಯುತ್ತಿತ್ತು.ಪುಟಾಣಿಯೊಬ್ಬಳ ಹುಟ್ಟು ಹಬ್ಬದ ಸಡಗರಕ್ಕೆ ಬೀದಿ ತಯಾರಾಗಿತ್ತು.ಆದೇ ಹೊತ್ತಿನಲ್ಲಿ ಹುಟ್ಟು ಹಬ್ಬ ಆಚರಿಸಬೇಕಾಗಿದ್ದಚಿತ್ರಾ ಬೀದಿ ಬದಿಯಲ್ಲಿ ಆಡುತ್ತಿದ್ದಳು.ಅದು ಎಲ್ಲಿದ್ದನೋ ಯಮಕಿಂಕರ.ಅದೇ ದಾರಿಯಲ್ಲಿ ಬೈಕ್ ವೀಲಿಂಗ್ ಮಾಡಿಕೊಂಡು ಬಂದ ಪುಣ್ಯಾತ್ಮನೊಬ್ಬ ಚಿತ್ರಾ ಮೇಲೆ ಬೈಕ್ ಹತ್ತಿಸಿದ್ದ.ಕ್ಷಣಾರ್ಧ.ಚಿತ್ರಾಳ ಪ್ರಾಣ ಪಕ್ಷಿ ಹಾರಿ ಹೋಗಿತ್ತು.ಇತ್ತ ಬೈಕ್ ಸವಾರ ಗಾಡಿ ಬಿಟ್ಟು ಪರಾರಿಯಾಗಿದ್ದ.

ಹೊಸ ಬಟ್ಟೆ ಉಟ್ಟು ೯ನೇ ವರ್ಷಕ್ಕೆ ಕಾಲಿಡಬೇಕಾಗಿದ್ದ ಚಿತ್ರಾಳ ಕುಟುಂಬದ ಹಿಂದೆ ನೋವಿನ ಕಥೆಯಿದೆ. ವೃತ್ತಿಯಲ್ಲಿ ಚಿತ್ರಾಳ ತಂದೆ ಬಸವರಾಜು ಮಾಸ್ತರ್, ಅವರಿಗೆ ಒಟ್ಟು ೫ ಜನ ಮಕ್ಕಳು. ಈಗಾಗಲೇ ೪ ಮಕ್ಕಳನ್ನು ಬಸವರಾಜು ಕಳೆದುಕೊಂಡಿದ್ದರು. ಕೊನೆಯ ಪುಟಾಣಿ ಚಿತ್ರಾಳನ್ನು ಇನ್ನಿಲ್ಲದ ಪ್ರೀತಿಯಿಂದ ಬೆಳೆಸಿದ್ದರು. ಬೀದಿ ಮಂದಿಗೂ ಅಷ್ಟೇ.. ಚಿತ್ರಾಳೆಂದರೆ ಅಚ್ಚು ಮೆಚ್ಚು.ಆದರೆ ಈಗ ಎಲ್ಲವೂ ನೆನಪು.ವೀಲಿಂಗ್ ಎಂಬ ಹುಚ್ಚು ಸಾಹಸಕ್ಕೆ ಯಾವುದೇ ತಪ್ಪು ಮಾಡದ ಚಿತ್ರ ಬಲಿಯಾಗಿದ್ದಾಳೆ.
ಇಂಥ ಸಾವಿನ ಕಥೆಗೆ ಸಿಗಬೇಕಾಗಿದ್ದ ಪ್ರಚಾರ ಸಿಗಲಿಲ್ಲ.ಮಂಗಳೂರಿನ ಪಬ್ ದಾಳಿಯ ಸುದ್ದಿಯಲ್ಲಿ ಚಿತ್ರ ತೇಲಿ ಹೋಗಿದ್ದಾಳೆ.ಇದು ವಿಜಯನಗರ ಟ್ರಾಫಿಕ್ ಪೋಲಿಸರಿಗೂ ಅನುಕೂಲವಾಗಿದೆ.ಬೈಕ್ ಬಿಟ್ಟು ಹೋದ ಯುವಕ ಪತ್ತೆಗೆ ಪೋಲಿಸರು ಇನ್ನೂ ಮೀನಾ ಮೇಷ ಎಣಿಸುತ್ತಿದ್ದಾರೆ. ಅದಕ್ಕೆ ಈ ಸಾವು ನ್ಯಾಯವೇ................

ಕೆಳಗಡೆ ಸಂಚಾರ ವಿಭಾಗದ ಪೊಲೀಸ್ ಆಯುಕ್ತರ ಈ ಮೈಲ್ ಇದೆ. ಈ ಪ್ರಕರಣ ಸಂಬಂಧ ಆರೋಪಿಯ ಶೀಘ್ರ ಬಂಧಿಸುವಂತೆ ಒಂದು ಮೇಲ್ ಕಳುಹಿಸಿ ಅಮೇಲೆ ನೋಡೋಣ ನಮ್ಮ ಪೊಲೀಸರ ಕಾರ್ಯ ವೈಖರಿ.
addlcptrafficbcp@gmail.com

ಹೊತ್ತಲ್ಲದ ಹೊತ್ತಿನಲ್ಲಿ.......... ಅನಂತ ನಮನ

2009-01-16T05:05:00.000-08:00

ತುಂಬಾ ದಿನಗಳಿಂದ ನಾನು ಬರೆಯಬೇಕು ಅಂದುಕೊಂಡದ್ದು ಬೇರೆ ವಿಷಯ.ಆದರೆ ಹೀಗೆ ನನ್ನ ಲೇಖನ ಹಾದಿ ಬದಲಾಗುತ್ತದೆ ಅಂದುಕೊಂಡಿರಲಿಲ್ಲ.ತಿಂಗಳು ಕಳೆದು ಹೋಗಿದೆ ಬರೆಯಬೇಕು ಅನ್ನುವ ತುಡಿತಕ್ಕೆ.ಬರೆಯಬೇಕು ಅಂದುಕೊಂಡಗಾಲೆಲ್ಲ ಸಾವಿರ ಅಡ್ಡಿಗಳು.ಹಿಂದೆ ಶ್ರೀನಿಧಿ ಕಾಡುತ್ತಿದ್ದ.ಈಗ ಅವನಿಗೂ ಅರ್ಥವಾಗಿದೆ.ಹೀಗಾಗಿ ವಾರಕ್ಕೊಂದು ಪೋಸ್ಟ್ ಮಾಡಲೇಬೇಕು ಅಂತ ನಿರ್ಧರಿಸಿದ್ದೇನೆ.

ಬರೆಯಬೇಕು ಅಂತ ಅಂದುಕೊಂಡಿದ್ದ ಲೇಖನ ಈಗ outdated ಆಗಿದೆ.ಹಾಗಾಗಿ ಹಳೆಯ ನೆನಪುಗಳನ್ನು ಕೆದಕಿದಷ್ಟೆ ನೋವಾಗುತ್ತಿದೆ.
ಬೆಳಗಾವಿ ಅಧಿವೇಶನ,ಸಾಹಿತ್ಯ ಸಮ್ಮೇಳನದ ಸಿದ್ದತೆ.ಇದು ಒಂದು ಕಡೆಯಾದರೆ.ಮತ್ತೊಂದು ಕಡೆ ರಾಜು ಅನಂತಸ್ವಾಮಿ ಇನಿಲ್ಲ.ಹೀಗೆ ನೆನಪುಗಳ ಬುತ್ತಿ ಸಾಗುತ್ತದೆ. ನಾವೆಲ್ಲ ಭಾವಗೀತೆ ಅಂದರೆ ಭಾವಪರವಶರಾಗುತ್ತೇವೆ.ಆದರೆ ಇನ್ನು ಮುಂದೆ ಬರೀ ನೆನಪುಗಳ ಮುಂದೆ ಪರವಶರಾಗಬೇಕಾಗಿದೆ.ವಿಧಿ ಎಷ್ಟೊಂದು ಕ್ರೂರಿ ಅನ್ನಿಸಿಬುಡುತ್ತೆ.ಜಿ.ವಿ. ಅತ್ರಿಯಂತೆ ಇದೀಗ ರಾಜು ಹೊತ್ತಲ್ಲದ ಹೊತ್ತಿನಲ್ಲಿ ಅಗಲಿದ್ದಾರೆ.ಏನಾಗಿದೆ ಇವರಿಗೆಲ್ಲ ಅನ್ನಿಸಿಬಿಡುತ್ತೆ.ಹೌದು ನನ್ನಂತ ಭಾವಗೀತೆ ಪ್ರೀಯರಿಗಂತು ರಾಜು ಅನಂತಸ್ವಾಮಿ ಇನ್ನಿಲ್ಲ ಅನ್ನುವುದು ನಂಬಲಾಗದ ಸತ್ಯ. ಸುದ್ದಿಯ ಬೆನ್ನು ಬಿದ್ದಿದ್ದ ನನಗೆ ರಾಜು ಅನಂತಸ್ವಾಮಿ ಹೀಗೆ ಸುದ್ದಿಯಾಗುತ್ತಾರೆ ಅಂದುಕೊಂಡಿರಲಿಲ್ಲ. ಯಾವ ಮೋಹನ ಮುರಳಿ ಕರೆಯಿತೋ..... ದೂರ ತೀರಕೆ ನಿನ್ನನ್ನು..........ಜಿ.ಪಿ.ರಾಜರತ್ನಂ ಅವರ ರತ್ನನ ಪದಗಳನ್ನು ಹಾಡುವ ಮೂಲಕ ಕನ್ನಡದ ಮನೆ ಮನಗಳಲ್ಲಿ ಮಾತಾಗಿದ್ದರು.ಹೀಗೆ ರಾಜು ಬಗ್ಗೆ ಹೇಳುತ್ತ ಹೋದರೆ ಸಾವಿರ ಪುಟಗಳು.

ಒಂದು ನಿಟ್ಟನಲ್ಲಿ ರಾಜು ಬಹುಮುಖ ಪ್ರತಿಭೆಯಾಗಿದ್ದ.ಭಾವಗೀತೆ ಲೋಕದ ಮಾಂತ್ರಿಕನಲ್ಲದೆ...ಚಲನಚಿತ್ರಗಳಿಗೆ ಸಂಗೀತ ನಿರ್ದೇಶನಾಗಿದ್ದ.ಒಳ್ಳೆಯ ನಟನಾಗಿದ್ದ. ಮಂಡ್ಯ ರಮೇಶನ ನಟನ ಶಾಲೆಯಲ್ಲಿ ಸಂಗೀತ ಗುರುವಾಗಿ, ಹಲವು ಚಿತ್ರಗಳಲ್ಲಿ ಹಾಸ್ಯ ನಟರಾಗಿಗೂ ರಾಜು ಅನಂತಸ್ವಾಮಿ ನಟಿಸಿದ್ದ.ಪುನೀತ್ ನ 'ಅಭಿ' ಚಿತ್ರದಲ್ಲಿನ ನಟನೆಗಾಗಿ ಉತ್ತಮ ಹಾಸ್ಯ ನಟ ಪ್ರಶಸ್ತಿ ರಾಜು ಪಾಲಾಗಿತ್ತು.ಜೊತೆಗೆ ನಾಗತಿಹಳ್ಳಿ ನಿರ್ದೇಶನದ 'ಅಮೃತ ಧಾರೆ' ಮತ್ತು ಜಾಕ್ ಪಾಟ್ ಚಿತ್ರಗಳಲ್ಲಿ ನಟನೆ. ಹೂವು,ಅನಂತ ನಮನ,ದೀಪೋತ್ಸವ,ಮುಂತಾದ ಆಲ್ಬಂಗಳನ್ನು ರಾಜು ಅನಂತಸ್ವಾಮಿ ಹೊರ ತರುವಲ್ಲಿ ಪಟ್ಟ ಶ್ರಮ ಆಷ್ಟಿಷ್ಟಲ್ಲ.ಈಗ ನೆನಪು ಮಾತ್ರ.ನಮನ ಮಾತ್ರ ನನ್ನ ಕಡೆಯಿಂದ.

ನಮನ - ೨

2008-12-02T05:21:00.000-08:00

ಬಾಂಬೆಯ ಸುತ್ತ ರಕ್ತದ ರಂಗೋಲಿ. ಈ ನಗರಕ್ಕೆ ಇದೇನು ಶಾಪ ಅಂದುಕೊಳ್ಳಬೇಕಿದೆ. ನಮ್ಮವರು ಬ್ಲಾಕ್ ಕಮಾಂಡೋ, ನೇವಿ ಮಂದಿ, ಅಗ್ನಿ ಶಾಮಕ ದಳ ಹೀಗೆ ಹಲವು ತಂಡಗಳು ತಮ್ಮವರನ್ನು ಮರೆತು ಹೋರಾಡಿದರು. ನಾವು ಮುಂಜಾನೆ ಪೇಪರ್ ನೋಡಿ ಛೇ ಅಂದೆವು, ಟಿ.ವಿ. ನೋಡಿ ಅಯ್ಯೋ ಅಂದೆವು. ನಾವಾದರು ಏನು ಮಾಡಲು ಸಾಧ್ಯ. ಬಹುಶ ಇಂತಹುದೊಂದು ಕೆಲಸ ಮಾಡಿದ ಹಿರಿಮೆ ನಮ್ಮದು.

http://neelanjala.wordpress.com/

ಸಂದೀಪ್ ಅಂತ್ಯ ಸಂಸ್ಕಾರದಲ್ಲಿ ಧರ್ಮವನ್ನು ಭಾಷೆಯನ್ನು ಗುತ್ತಿಗೆ ಪಡೆದಂತೆ ವರ್ತಿಸುವ ಮಂದಿ ಮಾಡಿದ ವರ್ತನೆ ಮಾತ್ರ ದುರಾದೃಷ್ಟ. ನೀವು ನೋಡಿದ್ದರೆ ನೆನಪಿಸಿಕೊಳ್ಳಿ. ಎಲ್ಲರ ಕಣ್ಣಂಚು ತೇವಗೊಂಡಿತ್ತು. ಭಾರತ ಬಾವುಟ ಹೋರಾಟದ ಕಥೆಗಳನ್ನು ಸಾರಿ ಹೇಳುತ್ತಿತ್ತು. ಆದರೆ ರಕ್ಷಣಾ ವೇದಿಕೆಯ ಮಂದಿ ಕನ್ನಡ ಬಾವುಟವನ್ನು ತ್ರಿವರ್ಣ ಧ್ವಜಕ್ಕಿಂತಲ್ಲೂ ಎತ್ತರಕ್ಕೆ ಹಾರಿಸಿದರು. ತಪ್ಪು ಅಂದವರಿಗೆ ಇದು ಕರ್ನಾಟಕ ಎಂದರು... ಸಂದೀಪ್ ಹೋರಾಡಿದ್ದು ಭಾರತಕ್ಕೆ ಏನ್ನುವುದನ್ನು ಮರೆತರು. ಇನ್ನು ಹಿಂದು ಪರ ಸಂಘಟನೆಗಳು ತಮ್ಮ ಭಗವಾ ಧ್ವಜವನ್ನು ಹೊತ್ತು ತಿರುಗಾಡಿದರು. ಇದು ನಾವು ನೀಡಿದ ಸಲಾಂ.( ತಪ್ಪೇನಿದೆ ಕೇರಳ ಮುಖ್ಯಮಂತ್ರಿಗೆ ಅವಮಾನ ಮಾಡಿದ್ದರಲ್ಲಿ.)

ಇನ್ನು ರಾಜಕಾರಣಿಗಳು ಬಾಯಿ ಬಿಚ್ಚಿದರೆ ಕೋಟಿ ಅಂದರು.ಅದಕ್ಕೆ ಇರಬೇಕು ನಮ್ಮ ಡಿ.ಜಿ. ಸಾಹೇಬರು ಅವಧಿ ಮುಗಿದ ಶಸ್ತ್ರಾಸ್ತ್ರ ಗಳನ್ನು ಪ್ರದರ್ಶಿಸಿದ್ದು.ಒಟ್ಟಾರೆ ಧರ್ಮದ ಆಫೀಮು ಎಲ್ಲವನ್ನು ಕತ್ತಲಾಗಿಸಿದೆ. ನಿನ್ನೆ ಮುಂಬೈ.... ನಾಳೆ ಬೆಂಗಳೂರು ಇರಬಹುದು... ಜವಾಬ್ದಾರಿ ಯಾರು.?

ನಮನ........

2008-11-29T20:38:00.000-08:00

ಪ್ರತೀ ಕ್ಷಣ ಆತಂಕ.... ಎಲ್ಲ ಮುಗಿದಿದೆ ಈಗ ಉಳಿದಿರುವುದು ನೋವು... ನೆನಪು ಅಳಿಯದಿರಲಿ

ಸೆಲ್ಯೂಟ್ to brothers..... ಸುದ್ದಿಗಾಗಿ ಪಟ್ಟ ಪಾಡು, ಹೋರಾಟದ ಅಂತಿಮ ಕ್ಷಣ..... ಇಲ್ಲಿದೆ

ಮೌನಗಳು

2008-11-08T18:14:00.000-08:00

ಮೌನ ೧

ಯಾಕೆ ಕಾಡುತ್ತೀಯ ಹೀಗೆ
ಮಾತಿನಲ್ಲಿ ಮೌನದಲ್ಲಿ
ಜಿಟಿ ಜಿಟಿ ಮಳೆಯಲ್ಲೂ
ನಿನ್ನದೇ ನೆನಪು
ನಿನ್ನ ಮೌನ ರೂಪ
ನನ್ನ ಮೌನವನ್ನು ಹೇಗೆ ಕಾಡುತ್ತಿದೆ

ಮೌನ ೨

ಮೌನವಾಗಿರುವ ಹುಡುಗಿ
ಮೌನದೊಳಗೆ ಕಾಡುತ್ತಾಳೆ
ತುಟಿ ಬಿಚ್ಚದ ಹುಡುಗಿ
ಮೌನದಲ್ಲಿ ಮುಗುಳು ನಗುತ್ತಾಳೆ
ಮಲ್ಲಿಗೆಯಂತ ಮೌನ
ತಾವರೆಯಂತಹ ನಗು
ಅರ್ಥವಾಗುವುದೇ ಇಲ್ಲ.

ಮೌನ ೩
ಅಮ್ಮ ಬಿಡಲಿಲ್ಲ
ಅಪ್ಪ ಮೌನ ಒಡೆಯಲಿಲ್ಲ
ಒಡೆದದ್ದು ಹೃದಯಗಳು
ಮನಗಳು

ನೆಟ್ಟ(ಟ್ಟಿ)ಗೆ ಬರೆಯುವವರು

2008-11-04T11:11:00.000-08:00

ಎಲ್ಲೊ ಓದಿದ ನೆನಪು ಬ್ಲಾಗ್ ಎಂದರೆ ಖಾಸಗಿ ಡೈರಿ ಎಂದು, ನನಗೆ ಇಷ್ಟವಾಗಿರಲಿಲ್ಲ.ನಿಮಗೆ ಬೇಕಾದದನ್ನು ಖಂಡಿತಾ ಬರೆಯಲು ಅವಕಾಶವಿದೆ.ಹಾಗಂತ ಅದನ್ನು ಎಲ್ಲರೂ ಓದಬಾರದು ಅಂತ ಏನಿಲ್ಲ ತಾನೇ.ಅಂದ ಮೇಲೆ ಅದು ಖಾಸಗಿ ಡೈರಿಯಾಗಲು ಹೇಗೆ ಸಾಧ್ಯ.ನಿಮ್ಮ ಕನಸುಗಳಿಗೆ,ನಿಮ್ಮ ವಿರಹ ವೇದನಗಳಿಗೆ ಬ್ಲಾಗ್ ನಲ್ಲಿ ಅವಕಾಶವಿದೆ.ಅಂದ ಹಾಗೆ ಬರೆದ ಬರಹಗಳಿಗೆ copy right ಇಲ್ಲ.ಹೀಗೆ ಡೈರಿ ಅನ್ನುವ ಕಲ್ಪನೆಯನ್ನು ದಯವಿಟ್ಟು ಕಿತ್ತು ಹಾಕಿ.

ಬ್ಲಾಗ್ ನಲ್ಲಿ ಕೆಸರೆರಚಾಟದ ಚಟಗಳು ಪ್ರಾರಂಭವಾಗಿದೆ.ಒಂದಿಷ್ಟು ದಿನ ಬಿಟ್ರೆ ಈ ಚಟ ಕಡಿಮೆಯಾಗುತ್ತದೆ. ಆದರೆ ಆತೀ ಬುದ್ದಿವಂತರೆನಿಸಿದ ಮಂದಿ ಇಂತಹ ಲೇಖನಗಳಿಗೆ ಪ್ರತಿಕ್ರಿಯಿಸುವುದರಿಂದ ಇವರಿಗೆ ಒಂದಿಷ್ಟು ಬಲ ಬಂದ ಹಾಗಿದೆ.ಅವರು ಕೆಸರಲ್ಲಿದ್ದಾರೆ ನಿಜ,ನಾವೇಕೆ ಕೆಸರಿಗೆ ಇಳಿಯೋಣ.ಬ್ಲಾಗ್ ಗಳು ಪವಿತ್ರವಾಗಿರಬೇಕು ನಿಜ.ಹಾಗಾಗಿ ನಮ್ಮತನದಲ್ಲಿ ನಾವಿದ್ದರೆ ಬ್ಲಾಗ್ ಗಳು ತನ್ನತನದ ಹಾದಿಯಲ್ಲಿ ಮುನ್ನಡೆಯುತ್ತದೆ.

ಹೊಸತನಕ್ಕೆ ತೆರೆದುಕೊಳ್ಳುತ್ತಿರುವ ಬ್ಲಾಗುಗಳು ಕನ್ನಡದ ಮಟ್ಟಿಗೆ ಹೊಸ ಬೆಳವಣಿಗೆಯೇ ಸರಿ ಹತ್ತು ಹಲವು ಕಥೆಗಳು, ಕವನಗಳು ಹೊಸತನದಿಂದ ನಮಗೆ ಸಿಗುತ್ತಿವೆ.ಸವಿಯೋಣ ಬನ್ನಿ
ನಮಗೊಂದು ಅಭಿಮಾನವಿದೆ ನಾವೆಲ್ಲ ನೆಟ್ಟಗೆ ಬರೆಯುವವರು ಅಂದರೆ ನೆಟ್ಟಿಗೆ ಬರೆಯುವವರು

ಬ್ಲಾಗಬ್ಬರ

2008-10-20T19:51:00.000-07:00

ಮೊನ್ನೆ ನಮ್ಮ ಶ್ರೀ ನಿಧಿ ಎಫ್.ಎಂ ಚಾನೆಲ್ ಒಂದಕ್ಕೆ ಸಂದರ್ಶನ ಕೊಡಲು ಹೋಗಿದ್ದ. ಅದು ಬ್ಲಾಗುಗಳ ಬಗ್ಗೆ ಎನ್ನುವ ಕಾರಣಕ್ಕೆ ಹೆಮ್ಮೆಯಿಂದ ನಾನು ಇಲ್ಲಿ ದಾಖಲಿಸುತ್ತಿದ್ದೇನೆ.ಹಿಂದೆ ಪ್ರಣತಿ ತಂಡ ಬ್ಲಾಗರುಗಳ meet ಆಯೋಜಿಸಿದ್ದ ಸಂದರ್ಭದಲ್ಲಿ ಪ್ರಚಾರ ಕೊಡುವುದು ಹೇಗೆ ಎಂದು ತಲೆ ಕೆಡಿಸಿಕೊಂಡಿದ್ದಾಗ ಹೊಳೆದದ್ದು ಇದೇ ಎಫ್.ಎಂ.... ನಮ್ಮ ಯೋಚನೆ workout ಆಗಿತ್ತು ಕೂಡಾ. ಕನ್ನಡ ಬ್ಲಾಗುಗಳ ಬಗ್ಗೆ ಮಾತಾಡಿ ಅಂದೇ ಇದೇ ಶ್ರೀನಿಧಿ ಮಿಂಚಿದ್ದ. ಹಲವರ ಕೆಂಗಣ್ಣೆಗೂ ಗುರಿಯಾಗಿದ್ದ.

ಈಗಾಗಲೇ ಸಾಕಷ್ಟು ಕನ್ನಡದ ಪತ್ರಿಕೆಗಳು ಬ್ಲಾಗುಗಳ ಬಗ್ಗೆ ದಾಖಲಿಸಿದೆ.ಆದರೆ ವಿದ್ಯುನ್ಮಾನ ವಾಹಿನಿಗಳು ತಮ್ಮದೇ ಆದ ಕಾರಣಕ್ಕೆ ಮಿತಿಯಲ್ಲಿ ಕೆಲಸ ಮಾಡಿವೆ. ಆದರೆ ಎಫ್.ಎಂ ಗಳು ಸುಮ್ಮನಿತ್ತು. ಅವುಗಳನ್ನು ಎಚ್ಚರಿಸಿದ್ದು ಇದೇ ತುಂತುರು ಹನಿ ಎಂಬುದು ಕನ್ನಡದಲ್ಲಿ ಕುಟ್ಟುವ ಬ್ಲಾಗರುಗಳಿಗೆ ಹಿರಿಮೆಯೇ ಸರಿ. ನನ್ನ ಮಾತುಗಳು ಕೆಲವರಿಗೆ ಇಷ್ಟವಾಗದಿರಬಹುದು. ಹಾಗಂತ ನಾನು ಅವರಿಗೆ ಬಕೆಟ್ ಹಿಡಿಯಲು ಸಿದ್ದನಿಲ್ಲ. ಯಾಕೆಂದರೆ ನಾನು D.S.S. ( ದಲಿತ ಸಂಘರ್ಷ ಸಮಿತಿಯಲ್ಲ ) - ಡಿ.ಎಸ್. ಶ್ರೀನಿಧಿಗೆ ಬಕೆಟ್ ಹಿಡಿಯುತ್ತಿಲ್ಲ. ಕನ್ನಡದ ಬ್ಲಾಗುಗಳು ಸದ್ದಿಲ್ಲದೆ ಸುದ್ದಿಯಾಗುತಿದೆಯಲ್ಲ ಅದು ನನಗೆ ಖುಷಿ ತಂದಿರುವುದು. ನಾನು ಕಂಡ ಹಾಗೇ ಅದೆಷ್ಟೋ ಮಂದಿ ಬ್ಲಾಗರುಗಳಾಗುತ್ತಿದ್ದಾರೆ.ತಮ್ಮೊಳಗಿನ ಬರಹಗಾರನನ್ನು ಬರಹ ತಂತ್ರಾಂಶ ಬಳಸಿ ಎಚ್ಚರಿಸುತ್ತಿದ್ದಾರೆ.

ಇದಕ್ಕಿಂತ ಹೆಚ್ಚು ಏನು ಬೇಕು ಹೇಳಿ.

ಶ್ರೀನಿಧಿ ಆವಾಂತರ

# ಟಿ.ವಿ. ವಾಹಿನಿಯಲ್ಲಿ D.S.S. ಕೆಲಸ ಮಾಡುವುದರಿಂದ ಚಾನೆಲ್ ಸಂದರ್ಶನ ಎಂದ ತಕ್ಷಣ ಅದು ಎಫ್.ಎಂ ಎಂಬುದನ್ನು ಮರೆತು ಮೇಕಪ್ ಮಾಡಿಕೊಂಡೇ ಸಂದರ್ಶನಕ್ಕೆ ಹೋಗಿದ್ದರಂತೆ. ( ಸುದ್ದಿ ದೃಢಪಟ್ಟಿಲ್ಲ - just flash news )

# 8.30 ಕ್ಕೆ ಸಂದರ್ಶನ ಎಂದು ಹೆಚ್ಚಿನ ಮಂದಿ ಕಿವಿಗೆ ಇಯರ್ ಫೋನ್ ಇಟ್ಟು ಕಾದಿದ್ದರು. ಆದರೆ ಅಷ್ಟು ಹೊತ್ತಿಗೆ
R.J. Srinidhi (ಆರ್.ಜೆ.ತಾತ್ಕಾಲಿಕ)ಯವರು ೯೧.೧ ಲಾಂಜ್ ಲ್ಲಿ ಟೀ ಕುಡಿಯುತ್ತಿದ್ದರು. ಅಂದು ಶನಿವಾರ ಎಫ್.ಎಂ ಕಚೇರಿಯಲ್ಲಿ ಜನ ಕಡಿಮೆ ಇತ್ತು.(NOTE: ಮುಂದಿನ ಕಾರ್ಯಾಚರಣೆ ಕಿವಿಗೆ ಇಯರ್ ಫೋನ್ ಇಟ್ಟು ಕಾದಿದ್ದ ಮಂದಿಯದ್ದು.)

any way..... thanks D.S.S

ಕೊನೆಗೊಂದು ಮಾತು ನಮ್ಮ ಸಾಧನೆಗೆ ನಾವು ಬೆನ್ನು ತಟ್ಟುತ್ತಿಲ್ಲ. ಬದಲಿಗೆ ವಾಸ್ತವವನ್ನು ಹೇಳಿದ್ದೇನೆ. ಅಂದ ಹಾಗೇ ನಮ್ಮದೇ ಕಚೇರಿಯ ಹುಡುಗಿಯೊಬ್ಬರು ಬ್ಗಾಗು ಆರಂಭಿಸಲು ಲೈಸೆನ್ಸ್ ಪಡೆದಿದ್ದಾರೆ. ಕೆಲಸ ಪ್ರಾರಂಭವಾಗಿದೆ.ಚಲನಚಿತ್ರ ಅವರ ನೆಚ್ಚಿನ ಕ್ಷೇತ್ರ ಹಾಗಾಗಿ ಅವರು ಅದರ ಸುತ್ತವೇ ಅನುಭವ, ಟೀಕೆ-ಟಿಪ್ಪಣಿ ಬರೆಯುತ್ತಿದ್ದಾರೆ. ಚೆನ್ನಾಗಿದೆ ನೀವು ವಿಸಿಟ್ ಮಾಡಿ swapnahp.blogspot.com

ನಾಲ್ಕು ಕನಸು

2008-09-11T12:56:00.000-07:00

ಕನಸು - ೧

ನನ್ನ ಪಾದ ತಲಗಳನ್ನು ಸಮುದ್ರದ
ಅಲೆಗಳು ಚುಂಬಿಸುತ್ತಿರಬೇಕು
ಸಮುದ್ರ ದಂಡೆಯಲ್ಲಿ ಮಲಗಿ ನಾನು
ಆಕಾಶ ದೃಷ್ಟಿಸುತ್ತಿರಬೇಕು
---------------------------

ಕನಸು - ೨

ಈ ಮಳೆಯೇ ಹೀಗೆ, ತುಂತುರು ಹನಿ
ಕಿವಿಯಲ್ಲೊಂದು ಮೊಬೈಲ್ ನ ಈಯರ್ ಫೋನ್
ಅದರಲ್ಲಿ ನನ್ನ ಹುಡುಗಿಯಯ ದನಿ
ಹನಿ ಹನಿ ಪ್ರೇಂ ಕಹಾನಿ
-------------------------

ಕನಸು - ೩

ಪೂಜೆ ಮುಗಿದ ಮೇಲೆ
ದೇವರ ಮುಟ್ಟಬೇಕು, ನಮಿಸಬೇಕು ಅನ್ನಿಸುತ್ತದೆ
ಪ್ರೀತಿಸಿದ ಹುಡುಗಿಯ ಮೇಲೂ ಅಷ್ಟೆ ಭಕ್ತಿ
ಪೂಜೆ ಮುಗಿದ ವಿಗ್ರಹದಂತೆ
ಪ್ರೀತಿ ಉಕ್ಕುತ್ತದೆ
----------------------------
ಕನಸು ೪

ಎಲ್ಲಾ ಮರೆತಿರುವಾಗ, ಮರೆಯಲಾಗುವುದಿಲ್ಲ
ನಿನ್ನ ಕಣ್ಣ ಒಳಗಿನ ಕನಸು
ಮನಸ್ಸಿನೊಳಗಿನ ಭಯ, ಆತಂಕ
ಮತ್ತೇನೂ ತಪ್ಪು ........ನಿನ್ನ ಕನಸು ಕದ್ದದ್ದು

ನಲ್ಲೂರು - ಸಾರಥಿಯಾದ ಬಗೆ

2008-09-09T13:53:00.000-07:00

ಕನ್ನಡ ಸಾಹಿತ್ಯ ಪರಿಷತ್ ನ ನೂತನ ಅಧ್ಯಕ್ಷರಾಗಿ ನಲ್ಲೂರು ಪ್ರಸಾದ್ ಅಧಿಕಾರ ಸ್ವೀಕರಿಸಿದ್ದಾರೆ.ಕನ್ನಡಿಗರ ಪ್ರಾತಿನಿಧಿಕ ಸಂಸ್ಥೆಯ ನೂತನ ಸಾರಥಿಯ ಮೇಲೆ ಇದೀಗ ಹತ್ತು ಹಲವು ಭರವಸೆಗಳಿದೆ.ಚುನಾವಣೆಯ ಕಣಕ್ಕೆ ಇಳಿದ ಸಂದರ್ಭದಲ್ಲಿ ನಲ್ಲೂರು ಹಲವು ಬಗೆಗಳಲ್ಲಿ ತನ್ನ ಗೆಲುವಿನ ದಾರಿಯನ್ನು ಕಂಡುಕೊಂಡಿದ್ದರು. ಉಡುಪಿಯ ಸಾಹಿತ್ಯ ಸಮ್ಮೇಳನಕ್ಕೂ ಮುನ್ನವೇ ತಾವು ಪರಿಷತ್ ನ ಸಾರಥಿಯಾಗಬೇಕು ಎಂದು ಟೊಂಕ ಕಟ್ಟಿದ ನಲ್ಲೂರು ಅದರಲ್ಲಿ ಯಶಸ್ವಿಯಾಗಿದ್ದಾರೆ.

ಒಂದು ರೀತಿಯಲ್ಲಿ ನೋಡಿದರೆ ನಲ್ಲೂರು ಸುಲಭ ಗೆಲುವಿಗೆ ದಾರಿ ಮಾಡಿಕೊಟ್ಟದ್ದು ಅವರ ಪ್ರತಿಸ್ಪರ್ಧಿಯಾಗಿದ್ದ ಸಿ.ವೀರಣ್ಣ ಎಂದರೆ ತಪ್ಪಲ್ಲ.ತಮಗೆ ಸ್ಪರ್ಧಿಗಳೇ ಇಲ್ಲ ಎಂದು ಹೇಳಿ ಎಲ್ಲಾ ಬಗೆಯಲ್ಲಿ ವೀರಣ್ಣ ಎಡವಟ್ಟು ಮಾಡಿಕೊಂಡರು.ಇನ್ನು ವಿದ್ಯಾಶಂಕರ್ ಸರದಿ ಗೊಂದಲದ ಹೇಳಿಕೆಗಳದ್ದೇ ಕಾರುಬಾರಾಯಿತು. ಒಟ್ಟಾರೆ ನಲ್ಲೂರು ಪ್ರಸಾದರ ಸಂಘಟನ ಚಾತುರ್ಯತೆ ೨೩ನೇ ಕ.ಸಾ.ಪ ಅಧ್ಯಕ್ಷಗಾದಿ ಒಲಿಯುವಂತೆ ಮಾಡಿದೆ.

ನಲ್ಲೂರು... ಸವಾಲು.. ಸಾಲು.. ಸಾಲು..

* ನಲ್ಲೂರು ಮುಂದೆ ಸಾವಿರ ಸವಾಲುಗಳಿದೆ. ೭೫ನೇ ಸಾಹಿತ್ಯ ಸಮ್ಮೇಳನ ನಡೆಸಲು ಚಿತ್ರದುರ್ಗ ಸಜ್ಜಾಗಿದೆ.ಡಿಸೆಂಬರ್ ನಲ್ಲಿ ಸಾಹಿತ್ಯ ಸಮ್ಮೇಳನ ನಡೆಸಲು ಜಿಲ್ಲಾ ಕ.ಸಾ.ಪ ಸಿದ್ಧವಿದೆ. ಆದರೆ ಸ್ಥಳೀಯ ಶಾಸಕ ಯಾಕೋ ಮನಸ್ಸು ತೋರಿಸುತ್ತಿಲ್ಲ.
* ಪರಿಷತ್ ನ ಕೊಠಡಿಗಳಲ್ಲಿ ಸಾಕಷ್ಟು ಪುಸ್ತಕಗಳು ರಾಶಿ ಬಿದ್ದಿದೆ.ಯಾರೊಬ್ಬರಿಗೂ ಇದು ಬೇಕಾಗಿಲ್ಲ.ಇದನ್ನು ವಿಲೇವಾರಿ ಮಾಡುವ ಬಗೆ ಹೇಗೆ.ಇಂತಹ ಕಳಪೆ ಗುಣಮಟ್ಟದ ಪುಸ್ತಕ ಪ್ರಕಟಣೆ ತಡೆಗಟ್ಟುವುದು ಹೇಗೆ.
* ಹಿರಿಯ ಸಾಹಿತಿಗಳು ಏನಿಸಿಕೊಂಡ ಮಂದಿ ಪರಿಷತ್ ಕಡೆ ಬರುವುದೇ ಇಲ್ಲ. ಇವರಿಗೆ ಚಾಮರಾಜಪೇಟೆಯ ಹಾದಿ ತೋರಿಸುವುದಾದರೂ ಹೇಗೆ?
* ಕನ್ನಡ ಸಾಹಿತ್ಯ ಸಮ್ಮೇಳನಗಳದ್ದು ಇದೇ ಪಾಡು, ಹಿರಿಯ ತಲೆಗಳು ಸಮ್ಮೇಳಾನಂಗಣಕ್ಕೆ ಬರುವುದಿಲ್ಲ. ಕನಿಷ್ಟ ಪಕ್ಷ ನಿಕಟ ಪೂರ್ವ ಸಮ್ಮೇಳನಾಧ್ಯಕ್ಷರು ಬಂದರೆ ಸಾಕು. ಹೊಸ ತಲೆಮಾರಿಗೆ ಹಿರಿಯ ಸಾಹಿತಿಗಳನ್ನು ಕಾಣುವ ಅವಕಾಶ ದೊರೆಯುತ್ತದೆ.
* ಸಮ್ಮೇಳನಗಳು ಜಾತ್ರೆಯಾಗುತ್ತಿದೆ. ಸಮ್ಮೇಳನದ ನಿರ್ಣಯಗಳು ಹಾಗೇ ಉಳಿದಿವೆ.
* ಬೆಂಗಳೂರಿನಲ್ಲಿ ಸಮ್ಮೇಳನ ನಡೆಯದೆ ಹಲವು ದಶಕ ಸಂದು ಹೋಗಿವೆ.ಈಗ ನಲ್ಲೂರು ಬಣದ ರಾಮಲಿಂಗೇಗೌಡ ನಗರ ಘಟಕದ ಅಧ್ಯಕ್ಷರಾಗಿದ್ದಾರೆ.
* ಅಮೃತ ನಿಧಿಯ ಕಥೆ ?

ಹೀಗೆ ಪಟ್ಟಿ ಬೆಳೆಯುತ್ತದೆ..........

ರಾಜಕೀಯ ವ್ಯಕ್ತಿಗಳಿಂದ ಸಮ್ಮೇಳನ, ಪರಿಷತ್ತು ದೂರವಿರಬೇಕು ಎಂದು ಎಲ್ಲರೂ ಬಯಸುತ್ತಿದ್ದರೂ, ಆದರೆ ನಲ್ಲೂರು ರಾಜಕೀಯ ನಂಟಿನೊಂದಿಗೆ ಪರಿಷತ್ತು ಕಟ್ಟುವುದಾಗಿ ಹೇಳಿದ್ದಾರೆ. ಕಾದು ನೋಡುವ, ೩ ವರ್ಷಗಳಲ್ಲಿ ನಲ್ಲೂರು ಪರಿಷತ್ತು ಕಟ್ಟುವ ಬಗೆಯನ್ನು

ಅಶೋಕನ ಸಾರಿಗೆ ಪುರಾಣ

2008-08-07T11:45:00.000-07:00

ಸಾರಿಗೆ ಸಚಿವ ಆರ್.ಅಶೋಕ್ ವೋಲ್ವೊ ಬಸ್ ನಲ್ಲಿ ಪ್ರಯಾಣ ಮಾಡಿದರಂತೆ.ಇದು ಇತ್ತೀಚೆಗೆ ಬಂದ ಸುದ್ದಿ.ಇಷ್ಟಕ್ಕೆ ಈ ಸುದ್ದಿ ಸುಮ್ಮನಿರಬೇಕೆ. ಕಾವೇರಿ ಹರಿದಂತೆ ಮುಂದುವರಿದಿದೆ.ಬಸ್ ನಲ್ಲಿ ಟಿಕೇಟ್ ಪಡೆದರಂತೆ, ರಸ್ತೆ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರಂತೆ. ಹೀಗೆ ಇದು ಮುಂದುವರಿಯುತ್ತದೆ.

ಸಾರಿಗೆ ಸಚಿವರು ದೆಹಲಿಗೆ ಪ್ರಯಾಣಿಸಬೇಕಾಗಿತ್ತು.ಇದೇ ಸುದಿನ - ಬಿಟ್ಟಿ ಪ್ರಚಾರಕ್ಕೆ ಇನ್ನೇನು ಬೇಕು.ಮಾಧ್ಯಮ ಪ್ರತಿನಿಧಿಗಳ ಮೊಬೈಲ್ ರಿಂಗಣಿಸಿದೆ. ಕರೆಯ ಹಿಂದಿನ ರಹಸ್ಯದ ಬಗ್ಗೆ ಒಂದಿಷ್ಟು ಯೋಚಿಸಿದ್ದರೆ.ಸಾಯಲಿ ಬಿಡಿ ಬಿಎಂಟಿಸಿನಲ್ಲಿ ತಮ್ಮ ಪ್ರಯಾಣ ಯಾವಾಗ ಎಂದು ಪ್ರಶ್ನಿಸಿದ್ದರೆ ಅಶೋಕ ಸಾರಿಗೆಯ ಟಯರ್ ಪಂಚರ್ ಆಗುತ್ತಿತ್ತು.ಹಾಗಾಗಲಿಲ್ಲ. ಅಶೋಕನು ಒಂದಿಷ್ಟು ಯೋಚಿಸಬೇಕಾಗಿತ್ತು ತಾನೇ. ವೋಲ್ವೊ ಬಸ್ ನಲ್ಲಿ ಪ್ರಯಾಣಿಸುವುದು ದೊಡ್ಡ ವಿಷಯವಲ್ಲ ಎಂದು. ಬೆಂಗಳೂರಿನ ಸಾರಿಗೆ ವ್ಯವಸ್ಥೆ ಸಾವಿರ ಸಮಸ್ಯೆಗಳನ್ನು ಎದುರಿಸುತ್ತಿದೆ.ಬಿಎಂಟಿಸಿಯ ನೌಕರರು ಹಲವು ಸಂಕಷ್ಟಗಳನ್ನು ಎದುರಿಸುತ್ತಿದ್ದಾರೆ. ಮಾರ್ಗ ಮಧ್ಯದಲ್ಲಿ ಚೆಕಿಂಗ್ ನೆಪದಲ್ಲಿ ಬಸ್ ಹತ್ತುವ ಹಿರಿಯ ಅಧಿಕಾರಿಗಳು ಮಾಮೊಲಿಗಾಗಿ ಚಾಲಕ, ನಿರ್ವಾಹಕನ ಪ್ರಾಣ ಹಿಂಡುತ್ತಿದ್ದಾರೆ.ಕೊಡದಿದ್ದರೆ ಅಜಾಗರುಕತೆ ಚಾಲನೆ,ಟಿಕೇಟ್ ನೀಡಿಕೆಯಲ್ಲಿ ಲೋಪದ ನೆವಕ್ಕೆ ಬಲಿಯಾಗಬೇಕು.ಇವೆಲ್ಲಾ ಸಾರಿಗೆ ಸಚಿವರ ಕಣ್ಣಿಗೆ ಬಿದ್ದಿಲ್ಲ. ಇದು ಕಾಣುವುದೂ ಇಲ್ಲ. ಯಾಕೆಂದರೆ ವೋಲ್ವೊ ತಾನೇ ಇಲಾಖೆಯ ಮಾನ ಉಳಿಸುತ್ತಿರುವುದು.?

ಸಾರಿಗೆ ಸಚಿವರಿಗೆ ಹೇಳಿ ಸ್ವಾಮಿ ರಾತ್ರಿ ೧೨ ಗಂಟೆಯ ಬಳಿಕ ಬಿಎಂಟಿಸಿ ಬಸ್ ನಿಲ್ದಾಣಕ್ಕೆ ಬರಲು,ನೋಡಲಿ ಅಲ್ಲಿ ನೌಕರರು ಪಡುತ್ತಿರುವ ಪಾಡು.ಬಸ್ ನಿಲ್ದಾಣದ ಮೇಲೆ ರಾಜಾರೋಷವಾಗಿ ವ್ಯಾಪಾರ ನಡೆಯುತ್ತಿದೆಯಲ್ಲ. ಕಡಿವಾಣ ಸಾಧ್ಯವಿಲ್ಲವೆ.ಇದೆ ಆದರೆ ಇಲಾಖೆಯ ಅಧಿಕಾರಿಗಳಿಗೆ ಬರುವ ಆದಾಯಕ್ಕೆ ಕತ್ತರಿ ಬೀಳುತ್ತದಲ್ಲ.ಇವೆಲ್ಲಾ ಅಶೋಕನ ಕಣ್ಣಿಗೆ ಕಾಣಿಸುತ್ತಿಲ್ಲ.ಇಲ್ಲಿಗೆ ಭೇಟಿ ನೀಡಿದಾಗ ಮಾಧ್ಯಮ ಪ್ರತಿನಿಧಿಗಳನ್ನು ಕರೆಯಿರಿ.ಜನ ನಿಮ್ಮನ್ನು ಮೆಚ್ಚುತ್ತಾರೆ.

ಸಾರಿಗೆ ಸಚಿವರೆ ಬಿಎಂಟಿಸಿ ಬಸ್ ನಲ್ಲಿ ಪ್ರಯಾಣಿಸಿ ಜನ ಸಾಮಾನ್ಯನ ಪಾಡು ನಿಮಗೂ ಅರ್ಥವಾಗುತ್ತದೆ.ಅದು ಬಿಟ್ಟು ಆಗ್ಗದ ಪ್ರಚಾರ ಬಿಟ್ಟು ಬಿಡಿ. ಈ ಹಿಂದೆ ರಮಾನಾಥ ರೈ ಬಸ್ ಹತ್ತಿದಾಗ ಬಂದ ಟೀಕೆಯನ್ನು ನೆನಪಿಸಿಕೊಳ್ಳಿ.ನೆನಪಾಗದಿದ್ದರೆ ಹಳೆ ಸುದ್ದಿ ಪತ್ರಿಕೆಯನ್ನು ತಿರುವು ಹಾಕಿ.ಸಾಕಷ್ಟು ಕೆಲಸಗಳು ಬಾಕಿ ಇದೆ. ವೋಲ್ವೊ ಕನವರಿಕೆಯಿಂದ ಹೊರ ಬನ್ನಿ ಸಾರ್............

ರೈತ -- ರಕ್ತ ತರ್ಪಣ

2008-06-10T13:40:00.000-07:00

ನಾನು ಪ್ರಾಥಮಿಕ ಶಾಲೆಯಲ್ಲಿ ಓದುತ್ತಿದ್ದ ದಿನಗಳು ರೈತ ದೇಶದ ಬೆನ್ನೆಲುಬು ಎಂದು ನಮ್ಮ ಟೀಚರ್ ಕಂಠ ಪಾಠ ಮಾಡಿಸುತ್ತಿದ್ದರೂ,ಆದರೆ ಅಮೇಲಿನ ದಿನಗಳಲ್ಲಿ ಆರಿವಾಗತೊಡಗಿತು....ಬೆನ್ನೆಲುಬನ್ನು ಮುರಿಯುವ ಕೆಲಸ ಸತತವಾಗಿ ನಡೆಯುತ್ತಿದೆ ಎಂದು.ಹಾವೇರಿಯಲ್ಲೂ ನಡೆದದ್ದು ಇದೇ.ರಾಜ್ಯ ಪ್ರತೀ ಬಾರಿಯೂ ಒಂದಲ್ಲ ಒಂದು ಸಮಸ್ಯೆ ಸಿಲುಕಿ ತತ್ತರಿಸುತ್ತಿದೆ. ರೈತರ ಹೆಸರಿನಲ್ಲಿ ಪ್ರಮಾಣ ವಚನ ಸ್ವೀಕರಿಸಿದ ಮಂದಿಗೆ ಇದರ ಅರಿವು ಇರಬೇಕಾಗಿತ್ತು. ಆದರೆ ಸಮಸ್ಯೆ ದಿನದಿಂದ ದಿನಕ್ಕೆ ಉಲ್ಭಣಗೊಳ್ಳುತ್ತಿದ್ರೂ ಇವರಿಗೆ ಚಿಂತೆ ಇದದ್ದು ಅಧಿಕಾರಿಗಳ ವರ್ಗಾವಣೆ ಬಗ್ಗೆ. ಇದರ ಪ್ರತಿಫಲ ಗೊಬ್ಬರ-ಬೀಜಕ್ಕಾಗಿ ರೈತನ ರಕ್ತ ತರ್ಪಣ.

ರಾಜ್ಯದಲ್ಲಿ ರೈತನ ಸಮಸ್ಯೆ ಹೊಸ ಸರ್ಕಾರ ಅಧಿಕಾರಕ್ಕೆ ಬಂದ ದಿನದಿಂದಲೇ ಪ್ರಾರಂಭಗೊಂಡಿತ್ತು. ಬೀಜ, ಗೊಬ್ಬರಕ್ಕಾಗಿ ಪ್ರತಿಭಟನೆ ತೀವ್ರ ಸ್ವರೂಪ ಪಡೆದುಕೊಂಡಿತ್ತು.ಆದರೆ ರಾಜಧಾನಿಯಲ್ಲಿ ಕೇವಲ ಭರವಸೆಯ ಮಹಾನದಿ ಹರಿದಿತ್ತು ಬಿಟ್ಟರೆ, ಆಡಳಿತದ ಚುಕ್ಕಾಣಿ ಹಿಡಿದ ಮಂದಿ ಈ ಭಾಗಕ್ಕೆ ಭೇಟಿ ನೀಡುವ ಕೆಲಸವನ್ನು ಮಾಡಿರಲಿಲ್ಲ. ಈಗ ಎಲ್ಲವೂ ಕೈ ಮೀರಿದೆ. ರಾಜ್ಯದಲ್ಲಿ ಹೋರಾಟ ಕೆಂಪಾಗಿದೆ. ಹಸಿರು ಶಾಲಿನ ಮೇಲಿನ ಕೆಂಪು ಕಲೆಗಳಾಗಿದೆ.

ಮಾಧ್ಯಮಗಳು ಸಮಸ್ಯೆಯ ಸ್ವರೂಪವನ್ನು ಗಂಟೆಗಟ್ಟಲೆ ತೋರಿಸಿದವು, ಪುಟಗಟ್ಟಲೆ ಬರೆದವು ಆದರೂ ರೈತರ ಆಕ್ರೋಶವನ್ನು ಶಮನಗೊಳಿಸುವಲ್ಲಿ ಸರ್ಕಾರ ವಿಫಲವಾಗಿದೆ. ಇದೀಗ ರಾಜಭವನದತ್ತ ವಿಧಾನಸೌಧ ಕೈತೋರಿಸುತ್ತಿದೆ. ತಪ್ಪುಗಳು ನಡೆದದ್ದು ಇಲ್ಲೆ ಎನ್ನುವುದು ಇದರ ಒಳಾರ್ಥ. ಆದರೆ ರಾಜ್ಯಪಾಲರಿಗೆ ಕನ್ನಡದ ನೆಲದ ಸಮಸ್ಯೆಯ ಅರಿವಿಲ್ಲ ಸರಿ, ಅಧಿಕಾರಿಗಳು ಏನು ಮಾಡುತ್ತಿದ್ದರು. ಇವರ ತಪ್ಪುಗಳಿಗೆ ಶಿಕ್ಷೆಯೇನು? ಸರಿ ಬಿಟ್ಟು ಬಿಡಿ. ಸಮಸ್ಯೆ ತೀವ್ರ ಸ್ವರೂಪ ಪಡೆದು, ಪೋಲಿಸರು ಪರಿಸ್ಥಿತಿ ನಿಯಂತ್ರಣಕ್ಕೆ ಒದ್ದಾಡುತ್ತಿದ್ದರೆ ಮಾನ್ಯ ಗೃಹ ಸಚಿವರು ತಮ್ಮ ತವರೂರಿನಲ್ಲಿ ಮಾಡುತ್ತಿದ್ದದರೂ ಏನು?

ಈಗ ರೈತರ ಹೆಸರಿನಲ್ಲಿ ರಾಜಕೀಯ ಆರೋಪ ಪ್ರತ್ಯಾರೋಪಗಳು ಪ್ರಾರಂಭಗೊಂಡಿದೆ. ಮುಂದೇನು ಅನ್ನುವ ಪ್ರಶ್ನೆಗೆ ಉತ್ತರವಿಲ್ಲ.

ಈ ನಡುವೆ ಬಹುಮುಖ್ಯ ಪ್ರಶ್ನೆಯೊಂದು ಎಲ್ಲರನ್ನೂ ಕಾಡುತ್ತಿದೆ. ಹಾವೇರಿಯಲ್ಲಿ ಗೋಲಿಬಾರ್ ಅಗತ್ಯವಿತ್ತೆ ?

ಮಳೆಯೆಂದರೆ ಹೀಗೆ ?

2008-05-05T09:27:00.000-07:00

ನಿನ್ನೆ ಯಾಕೆ ಮಳೆ ಸುರಿಯಿತೋ
ನಾಡೆಲ್ಲ ತಂಪಾಗಿದೆ
ಇನ್ನೂ ಬಿಸಿಲಿರಬಾರದಿತ್ತೆ.
ನಾನು ಆ ಬಿಸಿಲಲ್ಲಿ ಸುಟ್ಟು ಹೋಗಬಾರದೆ
ಎಲ್ಲವೂ ತಂಪಾಗಿದೆ,ಆದರೆ
ನನ್ನ ಮನಸ್ಸಲ್ಲಿ ಬೆಂಕಿಯ ನೋವಿದೆ
ಎದೆಯೊಳಗಡೆ ಸಾವಿರ ಹಾವು ಹರಿದಾಡುತ್ತಿದೆ

ಕನಸಲ್ಲಿ ಸುಖವಿಲ್ಲ
ಹಳೆಯ ದಿನಗಳು ಮತ್ತೆ ಯಾಕೋ ಮರುಕಳಿಸುತ್ತಿದೆ
ನನ್ನ ಕೋಪ ನನ್ನ ಸುಡಬಾರದೆ

ಸುಡು ಎಂದರೂ ಸುಡದ ಈ ಬೆಂಕಿ
ನಿಲ್ಲೂ ಎಂದರೂ ನಿಲ್ಲದ ಗಾಳಿ
ಹೋಗು ಎಂದರೂ ಹೋಗದ ಬೆಳಕು
ನನ್ನ ಬದುಕ ಚುಚ್ಚುತ್ತಿದೆ

ಕಾಲ ಕೆಳಗೆ ಸಮುದ್ರ
ದೂರದಲ್ಲೆಲ್ಲೂ ಮಳೆ ಬರುವ ಸದ್ದು
ಕೇಳುವ ದಿನ ಎಂದೂ ಬರುವುದೋ.....

ಮಂಗಳೂರಿನಿಂದ ಮರಳಿದ ಮೇಲೆ

2008-04-17T18:00:00.000-07:00

ಭಾರೀ ಮಳೆ ಸುರಿಯುತ್ತಿದೆ. ಗೇರು ಬೀಜ ಗಿಡದಲ್ಲೆ ಮೊಳಕೆಯೊಡೆದಿದೆ.ಇದು ಕೆಲ ವಾರಗಳ ಹಿಂದೆ ನಾನು ಮಂಗಳೂರು ಬಸ್ಸು ಹತ್ತುವ ಮುನ್ನದ ಮಾತು. ಆದರೆ ಅದ್ಯಾವುದೋ ತಿರುವು ಮುರುವುಗಳಲ್ಲಿ ಸಾಗಿದ ಆರು ಚಕ್ರದ ಬಂಡಿ ನನ್ನನ್ನು ಬಿ.ಸಿ.ರೋಡಿನಲ್ಲಿ ಇಳಿಸಿದಾಗ Saftey ಗೆ ಇರಲಿ ಎಂದು ಕೊಂಡೊಯ್ಯುದಿದ್ದ ಜಾಕೆಟ್ ನೊಳಗೆ ಬೆವರು ಸುರಿಯುತಿತ್ತು. ಆದರೆ ನೆಲದ ಒದ್ದೆ ಆರಿರಲಿಲ್ಲ. ನೇತ್ರಾವತಿ ನದಿಯಲ್ಲಿ ನೀರು ಉಕ್ಕಿ ಹರಿಯುತಿತ್ತು. ( ಅದೆಷ್ಟು ನೀರು ನದಿಯಲ್ಲಿ ಹರಿದಿದೆಯೋ )
ಹೌದು ನಾನು ಊರಿಗೆ ಹೋಗಿ ಬಂದಿದ್ದೇನೆ.ಒಂಥರ Breaking news.ಯಾರು First ಓದುತ್ತಾರೋ ಅವರಿಗೆ Exclisive.ಮತ್ತೆಲ್ಲ Flash. Any way ನಾನು ಊರಿಗೆ ಹೋಗಿದ್ದೆ. ತುಂಬಾ ತಿಂಗಳಾಗಿತ್ತು. ಈ ಆಟೋನಗರಿಯ
ಕಿರಿ ಕಿರಿಯಿಂದ ಒಂದಿಷ್ಟು ರಿಲ್ಯಾಕ್ಸ್. ಜೊತೆಗೆ ನಾಸ್ತಿಕನಲ್ಲ ಎಂಬ ಕಾರಣಕ್ಕೆ ಊರಿನ ಜಾತ್ರೆ ನನ್ನನು ಊರಿಗೆ ಕರೆದಿತ್ತು.
ಊರೇ ಹೀಗೆ ........ ಊರು ಬಿಟ್ಟ ಮೇಲೆ ಗೊತ್ತಾಗುತ್ತೆ.Importent. ಅದರೆ ಬದುಕು ಕಾಡುತ್ತದೆ. Future ಎನ್ನುವ ಭೂತ ಕಾಡುತ್ತದೆ. ಹಾಗಾಗಿ ಊರಿನ ಪ್ರತಿಯೊಂದು ಬದಲಾವಣೆ ನಮ್ಮಲ್ಲಿ ಅಚ್ಚಲ್ಲಿ ಉಳಿಯುತ್ತದೆ. ಒಟ್ಟಾರೆ ನಮ್ಮ ಊರು ಮಾತ್ರ ಬದಲಾಗುತ್ತಿದೆ. ಮನೆ ಪಕ್ಕದಲ್ಲೇ ಇನ್ ಫೋಸಿಸ್ ಬಂದಿದೆ. ಆಕಾಶವಾಣಿ ಮಾತ್ರ ಕೇಳುತ್ತಿದ್ದ ಹಳ್ಳಿಗಳಲ್ಲಿ FMಗಳ ಕಾರು ಬಾರು. ಸುಂದರ ಹುಡುಗಿಯರ ಸುಂದರ ಕಿವಿಗಳಲ್ಲಿ ಇಯರ್ ಫೋನ್ ಭಾಗ್ಯ ಪಡೆದಿದೆ.ಮಂಗಳೂರಿನ ರಸ್ತೆಗಳಿಗೆ ಹೊಸ look ಬಂದಿದೆ. ಬೆಂಗಳೂರಿಗೆ ವಾಪಸಾದರೆ ನೆನಪುಗಳು ಕಾಡುತ್ತದೆ. ಆದರೆ ಎಲ್ಲಾ ನೆನಪುಗಳನ್ನು ಒಂದೇ ಕಡೆ ಸೇರಿಸಿದರೆ, ಆ ನೆನಪುಗಳ ಬಂಡಿಯಲ್ಲಿ ನೋವುಗಳೇ ಸರದಾರ. ಸಿಟಿ ಬಸ್ಸಲ್ಲಿ ಓಡಾಡಿದ್ದು, ಎಲ್ಲೋ, ಎಲ್ಲೋ ಗಿಲ್ಲಿದ್ದು ಹೀಗೆ......... ಎಲ್ಲಾ ನೆನಪುಗಳನ್ನು ಹೊತ್ತು ವಾಪಾಸಾಗಿದ್ದೇನೆ. ಮತ್ತೆ.... ಅದೇ ಬದುಕು ........Future ಎನ್ನುವ ಭೂತ.

last line's
+ ಅದೆಷ್ಟೋ ಜನ ಊರಿಂದ ನಾಪತ್ತೆಯಾಗಿದ್ದರೆ. ಹಲವು ಹೊಸ ಮುಖಗಳು ಊರಿಗೆ ಬಂದಿದೆ

+ ಕಡಲಲ್ಲಿ ಅಷ್ಟೇ ನೀರಿದೆ.

ಬ್ಲಾಗರುಗಳ ಮೀಟ್ ಬಗ್ಗೆ........

2008-03-22T04:20:00.000-07:00

ಇಂತಹುದೊಂದು ದಿನ ಬೇಕಾಗಿತ್ತು. ನಮ್ಮತನಕ್ಕೆ ಹೊಸ ದಿಕ್ಕನ್ನು ತೋರಿಸುವ, ಕತ್ತಲಿದ್ದ ಜಾಗದಲ್ಲಿ ಅದೇನೋ ಎನ್ನುವುದನ್ನು ತಿಳಿಸುವವರು ಬೇಕಾಗಿತ್ತು. ಅಂತಹುದೊಂದು ಕಾರ್ಯಕ್ಕೆ ಪ್ರಣತಿ ಚಾಲನೆ ನೀಡಿದೆ.
ಬ್ಲಾಗರುಗಳ ಮೀಟ್ ಬಗ್ಗೆ ಕಾರ್ಯಕ್ರಮದ ದಿನವೇ ಬರೆಯಬೇಕಾಗಿತ್ತು.ಆದರೆ ಕಾರ್ಯದ ಒತ್ತಡ ನಿಧಾನವಾಗಿಸಿತು. ಬಹುಶ ನಾನು ಬರೆಯದೇ ಇದದ್ದು ಒಳ್ಳೆಯದಾಯಿತು. ಈ ಮೀಟ್ ಬಗ್ಗೆ ದೊಡ್ಡ ಚರ್ಚೆಯೇ ಪ್ರಾರಂಭಗೊಂಡಿದೆ. ಆ ಏಲ್ಲಾ ಚರ್ಚೆಗಳಿಗೆ ನಿಮ್ಮ ನಿಮ್ಮ ಬ್ಲಾಗುಗಳಲ್ಲಿ ಕಮೆಂಟ್ ಮಾಡುತ್ತೇನೆ.

ನನ್ನ ನೋಟ

ಈ ಹಿಂದೆ ನಾನು ನನ್ನ ಗೆಳೆಯರೆಲ್ಲ ಸೇರಿ mnc ಕಂಪನಿಗಳಲ್ಲಿ ನಡೆಯುತ್ತಿದ್ದ ಬ್ಲಾಗರ್ ಮೀಟ್ ಬಗ್ಗೆ ಮಾತಾನಾಡುತ್ತಿದ್ದೆವು.ಆದರೆ ಅಲ್ಲಿನ ವಸ್ತು ವಿಷಯವೇ ಭಿನ್ನ ಎಂದಾಗ ಸುಮ್ಮನಾಗಿದ್ದೆವು. ಇಂತಹ ಮೀಟ್ ಕನ್ನಡದಲ್ಲಿ ಸಾಧ್ಯವಿಲ್ಲ ಎಂದು ಕೈ ಚೆಲ್ಲಿದ್ದೆವು. ಆದರೆ ಪ್ರಣತಿ ಇದನ್ನು ಸಾಧ್ಯವಾಗಿಸಿದೆ. ಕನಿಷ್ಟ ೧೦ ಜನ ಸೇರಬಹುದು ಎನ್ನುವ ಊಹೆ ೨೦೦ರ ಗಡಿ ದಾಟಿದೆ.
ಇಂತಹುದೊಂದು meet ಬೇಕಾಗಿತ್ತೆ ಎನ್ನುವ ಪ್ರಶ್ನೆಗೆ ಈ ಕಾರ್ಯಕ್ರಮ ಉತ್ತರಿಸಿದೆ. ಜೊತೆಗೆ ವಿದೇಶದಲ್ಲಿ ಕನ್ನಡ ಕುಟ್ಟುವ ಮಂದಿಯ ನೋವು ಕಾರ್ಯಕ್ರಮದ ಬೆಲೆಯನ್ನು ತಿಳಿಸಿದೆ.

ಕಪ್ಪು ಚುಕ್ಕೆ

ಬ್ಲಾಗರ್ ಗಳ ಮೀಟ್ ಇದೆ ಎಂದು ಬ್ಗಾಗ್ ಗಳಲ್ಲಿ ಸುದ್ದಿ ಹರಡಿದಾಗ ಕನಿಷ್ಟ ಪಕ್ಷ ಆ ಬಗ್ಗೆ ಪ್ರತಿಕ್ರಿಯಿಸುವ ಮನಸ್ಸನ್ನು ( ಸೌಜನ್ಯ) ಕೆಲ ಸೀನಿಯರ್ ಬ್ಲಾಗರ್ ಗಳು ಎಂದು ಕರೆಸಿಕೊಂಡ ಮಂದಿ ತೋರಿಸಲಿಲ್ಲ. ಆದರೆ ಕೇವಲ ಸುದ್ದಿ ತಿಳಿದ ಸಾಹಿತಿ ಕಿ.ರಂ, ಸಂಚಯದ ಪ್ರಹ್ಲಾದ್ ಇವರೆಲ್ಲ ಒಂದಿಷ್ಟು ಹೊತ್ತು ಯುವ ಮನಸ್ಸುಗಳ ಜೊತೆಗಿದ್ದರಲ್ಲ ಅಷ್ಟು ಸಾಕು.

ಹಾಗಾದರೆ ಮುಂದೆ ಆಗಬೇಕಾದ್ದೇನು

ಇಂತಹ ಮೀಟ್ ತಿಂಗಳಿಗೊಂದು ನಡೆಯಬೇಕು. ಅದು ಪ್ರಣತಿಯ ಜವಾಬ್ದಾರಿಯಾಗಬಾರದು. ನನ್ನ ಜೊತೆ ಒಂದಿಷ್ಟು ಗೆಳೆಯರು ಕೈ ಜೋಡಿಸಿದರೆ ಮುಂದಿನ ಬ್ಲಾಗರ್ ಮೀಟ್ ನ ಜವಾಬ್ದಾರಿ ನಾನು ವಹಿಸಿಕೊಳ್ಳಬಹುದು.
ನಾವು ಮಾಡಬೇಕಾದ ಕೆಲಸ ಸಾಕಷ್ಟಿದೆ, ದಯವಿಟ್ಟು ಕೈ ಜೋಡಿಸಿ ಈ ಮೀಟ್ ನಾಂದಿಯಾಗಲಿ, ನಿಂತ ನೀರಾಗದಿರಲಿ, ಹರಿವ ನದಿಯಾಗಲಿ,

ನೀವು ಬನ್ನಿ

2008-03-09T20:37:00.000-07:00

ಬಹು ದಿನದ ನೀರಿಕ್ಷೆ ಈಡೇರುತ್ತಿದೆ. ಬ್ಲಾಗಿನಲ್ಲಿ ಇಂಗ್ಲೀಷ್ ಉಪಯೋಗಿಸುತ್ತಿದ್ದ ಮಂದಿ ಒಂದೆಡೆ ಸೇರುತ್ತಿದ್ದರು. ಈಗ ಕನ್ನಡ ಬ್ಲಾಗರರು ಕೂಡಾ ಒಂದೆಡೆ ಸೇರಬಹುದಾಗಿದೆ. ಬನ್ನಿ ನಾನು ಆಹ್ವಾನಿಸುತ್ತಿದ್ದೇನೆ, ನಾನು ಬರುತ್ತೇನೆ, ನೀವು ಬನ್ನಿ.

ಗಾಂಧಿ ಜಯಂತಿ ಮತ್ತು ಗಾಂಧಿ

2008-02-25T02:46:00.000-08:00

ಗಾಂಧಿ ಇಂದಿಗೂ ಪ್ರಸ್ತುತ ಎನ್ನುವ ಮಾತಿದೆ.ಆದರೆ ಇತ್ತೀಚಿನ ಘಟನೆಗಳು ಇದಕ್ಕೆ ವ್ಯತಿರಿಕ್ತ ಅನ್ನಿಸುತ್ತದೆ.ಇದಕ್ಕೆ ಪೂರಕವಾಗಿ ನಿಂತದ್ದು ಮೊನ್ನೆ ನಡೆದ ಗಾಂಧಿ ಜಯಂತಿ ನಾಟಕ ಪ್ರದರ್ಶನ.ವಾಸ್ತವತೆಗೆ ಕನ್ನಡಿ ಹಿಡಿದ ನಾಟಕವನ್ನು ತೆಲುಗಿನಿಂದ ಕನ್ನಡಕ್ಕೆ ತರಲಾಗಿದೆ.ಗಾಂಧಿ,ಸ್ವಾತಂತ್ರ್ಯ ನಂತರದ ಭಾರತವನ್ನು ಕಂಡು ಆತಂಕಗೊಳ್ಳುವುದೇ ನಾಟಕದ ಕಥಾ ವಸ್ತು.

ಪ್ರಾರಂಭ

ಭಾರತಕ್ಕೆ ಗಾಂಧಿ ಸ್ವಾತಂತ್ರ್ಯ ತಂದುಕೊಟ್ಟು ತಪ್ಪು ಮಾಡಿದರು.ಇದು ಮಹಾಪಾಪ,ಇದು ಯಮಲೋಕದಲ್ಲಿರುವ ಅಪಾದನೆ.ಚಿತ್ರಗುಪ್ತನ ಆರೋಪ.ಇದಕ್ಕಾಗಿ ಗಾಂಧೀಜಿಗೆ ಶಿಕ್ಷೆ ಕೂಡಾ ಪ್ರಾಪ್ತಿಯಾಗುತ್ತದೆ. ಮತ್ತೆ ಭೂಲೋಕದಲ್ಲಿ 1 ತಿಂಗಳ ಕಾಲ ಮಹಾತ್ಮ ಭೂಲೋಕದಲ್ಲಿ ಜೀವಿಸಬೇಕು. ಹೀಗೆ ಭೂಲೋಕದಲ್ಲಿ ಕಾಣಿಸಿಕೊಳ್ಳುವ ಗಾಂಧೀಜಿಯನ್ನು ಗಾಂಧಿ ಎಂದು ಒಪ್ಪಿಕೊಳ್ಳಲು ಯಾರು ಸಿದ್ಧರಿಲ್ಲ. ಹೀಗೆ ಮನುಜನ ಕರ್ಮಭೂಮಿಯು ಅನಾವರಣಗೊಳ್ಳುತ್ತ ಸಾಗುತ್ತದೆ.ರಾಜಕಾರಣಿಗಳ ಬೂಟಾಟಿಕೆ, ವಿಧಾನಸಭೆಯಲ್ಲಿ ಜನಪ್ರತಿನಿಧಿಗಳ ನಾಟಕ ಎಲ್ಲವೂ ಬಟ್ಟೆ ಕಳಚಿಕೊಳ್ಳುತ್ತದೆ.
ಅದೊಂದು ಚುನಾವಣೆಯ ಸಂದರ್ಭ ಗಾಂಧಿಯ ಬಳಿಗೆ ಬಂದ ಮತ ಭಿಕ್ಷುಕರು ಮತಕ್ಕಾಗಿ ತಟ್ಟೆ ಹಿಡಿಯುತ್ತಾರೆ.ಅವೆರೆಲ್ಲಾ ಹಿಂತಿರುಗಿದ ಬಳಿಕ ಗಾಂಧಿ ಪ್ರಶ್ನೆಯೊಂದನ್ನು ಕೇಳುತ್ತಾರೆ. 'ನನ್ನ ಹೆಸರೂ ಮತದಾರರ ಪಟ್ಟಿಯಲ್ಲಿ ಇದೆಯಾ.?' ಇದೊಂದು ಮಾತು ಸಾಕು ವಾಸ್ತವದ ನೆರಳಿಗೆ.ಮೊನ್ನೆ ಮೊನ್ನೆ ಚುನಾವಣಾ ಆಯೋಗ ನಡೆಸಿತಲ್ಲ ಮತದಾರರ ಪಟ್ಟಿ ಪರಿಷ್ಕರಣ ಯಾಗ ಇದು ನನ್ನ ಮನಸ್ಸಿನಲ್ಲಿ ತೇಲಿ ಹೋಯಿತು.
ಮುಖ್ಯವಾಗಿ ಹೊಲಸು ರಾಜಕೀಯದ ಬಗ್ಗೆಯೇ ನಾಟಕ ಬೆಳಕು ಚೆಲ್ಲುತ್ತದೆ. ಕಮಿಷನ್ ವ್ಯವಹಾರ, ಮತದಾನ ಅವ್ಯವಹಾರ ,
ಬಜೆಟ್ ಗಾರಿಕೆ ಹೀಗೆ ಬೆಳಕಿನ ಚೆಲ್ಲುತ್ತದೆ.ಕೊನೆಯಲ್ಲಿ ಎಲ್ಲಾ ಘಟನೆಗಳಿಗೂ ಗಾಂಧೀಜಿ ನಿರುತ್ತರರಾಗುತ್ತಾರೆ. ಚಿತ್ರಗುಪ್ತನ ಮಾತು ಅವರ ಕಿವಿಗೆ ಅಪ್ಪಳಿಸುತ್ತದೆ. ಒಟ್ಟಾರೆ ಈ ನಾಟಕ ನನಗೆ ತುಂಬಾ ಇಷ್ಟವಾಯಿತು. ಬೆಳಕು, ನಟನೆ ಇವೆಲ್ಲಾ ಹೊರತುಪಡಿಸಿ ಒಳಗಿನ ಹೂರಣವಿದೆಯಲ್ಲಾ ಅದು ಖುಷಿ ತಂದುಕೊಟ್ಟಿತು. ತುಂಬಾ ದಿನದ ನಂತರ ರವೀಂದ್ರ ಕಲಾಕ್ಷೇತ್ರ ಮನಸ್ಸಿಗೆ ಮುದ ನೀಡಿತು. ನನ್ನ ಸಂತೋಷವನ್ನು ಹಂಚಿಕೊಂಡಿದ್ದೇನೆ.

ಮತ್ತೊಂದು ಕನಸು

2008-02-13T06:10:00.000-08:00

ನಿನ್ನ ಅಂಗೈಯಲ್ಲಿ ನನ್ನ ಅಂಗೈ ಬಂಧಿಯಾಗಿ
ನಾವಿಬ್ಬರೂ ಓಡಬೇಕು
ಸಮುದ್ರದಂಡೆಯಲಿ
ಮರಳರಾಶಿಯ ತುಂಬಾ ನಮ್ಮದೇ ಪಾದದ ಗುರುತು
ಮುತ್ತಿಕ್ಕುವ ಅಲೆಗೇನೂ ಗೊತ್ತು
ನಮ್ಮ ಓಟದ ಗುರಿ

ಸೊರ್ಯ ಮುಳುಗುವ ಹೊತ್ತಿಗೆ
ನೀರು ಚುಂಬಿಸುವಷ್ಟರಲ್ಲಿ
ನಾನು ನಿನ್ನೊಳಗೆ ಬಂಧಿಯಾಗಬೇಕು
ಓಟ ಮುಗಿದಿರಬೇಕು,
ನಿನ್ನ ನಾಚಿಕೆ ರಂಗೇರಬೇಕು
ಸೂರ್ಯನ ಕೆಂಪಿನಂತೆ

ನಿನ್ನ ಎದೆಯೊಳಗೆ ನಾನು ಉರಿಯಬೇಕು
ಹಣತೆಯಂತೆ ಹುಣ್ಣೆಮೆಯ ಚಂದಿರನಂತೆ
ನನ್ನೊಳಗೆ ನೀನು ಉರಿಯಬೇಕು
ನನ್ನಂತೆ..........

( ನಾಳೆ ಪ್ರೀತಿಯ ದಿನ, ಹಲವು ತಿಂಗಳುಗಳ ಹಿಂದೆ ಬರೆದ ಕವನ ಇಲ್ಲಿದೆ...)

ಮತ್ತೆ ಕನಸುಗಳ ಮೋಡ ಕಟ್ಟಿದ್ದೇನೆ. ಪ್ರೀತಿಯ ಮಳೆ ಸುರಿಯುತ್ತದೆ.

2008-02-13T00:35:00.000-08:00

ಕ್ಷಮೆ ಇರಲಿ.......

ನನ್ನ ಕೆಲಸದ ಒತ್ತಡದ ನಡುವೆ ನಾನು ಎಲ್ಲೋ ಕಳೆದು ಹೋಗುತ್ತಿದ್ದೇನೆ ಎಂದು ಅನಿಸುತಿತ್ತು.ಶ್ರೀ ,ನಿಧಿಯ ಒತ್ತಡ ಬೇರೆ ನಿನಗೆ ಬರೆಯಲು ಏನಾಗಿದೆ ಎಂದು.ನನಗೂ ಹಾಗೆ ಅನ್ನಿಸಿತ್ತು. ಮೊನ್ನೆ ಚಿತ್ರಛಾಪ ಪುಸ್ತಹ ಬಿಡುಗಡೆಗೆ ಹೋಗಿದ್ದೆ. ಎಷ್ಟೊಂದು ಜನ ಬ್ಲಾಗರ್ ಗಳು ಅಲ್ಲಿದ್ದರು. ನಮ್ಮೂರಿನ ಕಾರ್ಯಕ್ರಮ ಅನ್ನಿಸಿತು. ಅವತ್ತೆ ತೀರ್ಮಾನಿಸಿದ್ದೆ ಮತ್ತೆ ಮೋಡ ಕಟ್ಟಬೇಕು ಎಂದು. ಮತ್ತೆ ಬಂದಿದ್ದೆನೆ. ಕನಸುಗಳಿದೆ, ನೋವಿದೆ..........ನಲಿವಿದೆ ಓದಿ ದಯವಿಟ್ಟು ಪ್ರತಿಕ್ರಿಯಿಸಿ..

ಹೊಸ ಕನಸಿನ ಚಿತ್ರವೊಂದಿದೆ...ಸಾಂಕೇತಿಕವಷ್ಟೆ

2007-12-25T17:39:00.001-08:00

ನಿರೀಕ್ಷೆಗಳೇ ಹೀಗೆ

2007-07-21T00:22:00.000-07:00

ಮದರಂಗಿ ಹಚ್ಚುತ್ತಾಳೆ ಹುಡುಗಿ
ಪ್ರೀತಿ ಕಟ್ಟುತ್ತಾಳೆ
ಅಂಗೈಯಲ್ಲಿ ಚಿತ್ತಾರ
ಕನಸಿನದ್ದೆ ರೇಖೆ
ಅಂಗೈಯಲ್ಲಿ ಜಾಗವಿಲ್ಲ
ದೂರದ ದಾರಿಗೆ ಕೊನೆಯಿಲ್ಲ
ದೃಷ್ಟಿ ಸಾಗುತ್ತಿದೆ - ಸಾಗುತ್ತದೆ
ಅಂಗೈಯಲ್ಲಿ ಮೊಡಿದ ಚಿತ್ತಾರ ನೋಡುವ ಬಯಕೆ.

ಮನಸ್ಸಿನಲ್ಲಿ ಸಾವಿರ ಚಿತ್ತಾರ
ಅದೆಷ್ಟೋ ನಿರೀಕ್ಷೆಗಳು
ದಿನಾ ಇದೇ ಪಾಡು
ನಿರೀಕ್ಷೆಗಳನ್ನು ಹೊತ್ತು ಸಾಗುವುದು

ಮದರಂಗಿ ಕೆಂಪೇರುತ್ತಿದೆ
ನಿರೀಕ್ಷೆಗಳು ಮಾತ್ರ ಕೆಂಪೇರಿಲ್ಲ
ಮಧ್ಯರಾತ್ರಿ ಕಳೆದರೂ
ಕನಸು ಬಂಡಿ ಹೂಡಿಲ್ಲ - ಕಣ್ಣ ರೆಪ್ಪೆ ಮುಚ್ಚಿಲ್ಲ
ದಾರಿಯಲ್ಲಿಲ್ಲೊಂದು ನೆರಳು ಕಾಣದೆ
ಕನಸು ಕಾಣುವುದಾದರೂ ಹೇಗೆ

2007-07-20T03:55:00.000-07:00

ತುಂಬಾ ದಿನದ ಬಳಿಕ ಬರೆಯುತ್ತಿದ್ದೇನೆ. ಸಮಯವಿರಲಿಲ್ಲ.
ಮೊನ್ನೆ ಒಬ್ಬ ವ್ಯಕ್ತಿಯ ಬಗ್ಗೆ ಬರೆಯಬೇಕು ಎಂದು ಯಾರೋ ಹೇಳಿದಾಗ ನಾನೇ ಬರೆದ ಸಾಲುಗಳು ಇಲ್ಲಿವೆ.

ಆತ ನಿಂತೇ ಇದ್ದ ಮುಂದೆ ದೃಷ್ಟಿ ಹಾಯಿಸಿದಷ್ಟೂ ಜಲರಾಶಿ. ಅದರ ಭೋರ್ಗರೆತ. ಮತ್ತೆ ಮತ್ತೆ ಮೊರೆತ.ಇಳಿ ಹೊತ್ತು ಹತ್ತಿರ ಹತ್ತಿರವಾಗುತ್ತಿದ್ದಂತೆ ಅಬ್ಬರದ ಅಬ್ಬರ.
ಆ ನೀಲಿ ಸಾಗರಕ್ಕೆ ಅದೇನೂ ಸಿಟ್ಟೋ, ಅದೇನೂ ಅಕ್ರೋಶವೋ, ಅದೇನು ಆಕ್ರಂದನವೋ, ಒಟ್ಟಿನಲ್ಲಿ ನಿರಂತರ ಭೋರ್ಗರೆತ.ಆತ ನಿಂತೇ ಇದ್ದ, ವ್ಯವಸ್ಥೆಯ ಅವ್ಯವಸ್ಥೆಗೆ, ಮೋಸ - ವಂಚೆನೆಗೆ, ಬ್ರಹ್ಮಾಂಡ ಭ್ರಷ್ಟಾಚಾರಕ್ಕೆ ಎಲ್ಲದಕ್ಕೂ ತಲೆ ಕೆಡಿಸಿಕೊಳ್ಳದಂತೆ ಭೂಮಿಯೆಡೆಗೆ ಬೆನ್ನು ಹಾಕಿ ಸಾಗರದೆಡೆಗೆ ಮುಖ ಮಾಡಿ ಆತ ನಿಂತೇ ಇದ್ದ.
ಅತ್ತ ಸಾಗರ ಈ‍ತನನ್ನು ಛೇಡಿಸುತ್ತಿದೆ ಅಂತಾ ಅನ್ನಿಸಿದರೂ ಸಾಗರಕ್ಕೆ ಸಾಗರವೇ ಅಬ್ಬರಿಸುತ್ತಿದ್ದರೂ ಅವ್ಯವಸ್ಥೆಯನ್ನು ಸರಿಪಡಿಸಲು ಏನು ಮಾಡಲಾಗುತ್ತಿಲ್ಲ ಇನ್ನು ನಾನೇನು ಅಂತ ನಿಂತೆ ಇದ್ದ. ಜಲರಾಶಿಯ ಮುಂದೆ ಒಂಟಿಯಾಗಿ ನಿಂತಿದ್ದ. ಆತ ಯಾರು ಹೇಳಿ. ನನ್ನ ಮನಸ್ಸಿಗೆ ಗೊತ್ತಿಲ್ಲ. ನಿಮಗೆ.
ಅವನೊಳಗಡೆ ನೋವಿದೆ, ನಗುವಿದೆ, ಸಂತೋಷವಿದೆ.ಮನಸ್ಸಿನಲ್ಲಿ ಕಟ್ಟಿಟ್ಟ ಕನಸಿನ ಗೂಡು ಒಡೆದು ಮತ್ತೆ ಸೇರಿಸಿ ಮತ್ತೆ ಒಡೆದು. ಹೀಗೆ ನೋವು ಸಂತೋಷಗಳ ಬುತ್ತಿ ಅವನ ಬಳಿ ಇದೆ.

ರಾಧಾಕೃಷ್ಣ ಆನೆಗುಂಡಿ

ಮಳೆಯ ನೆನಪುಗಳ ಹಿಂದೆ...

2007-04-22T00:30:00.000-07:00

ದಿನ ಯಾವತ್ತು ಇದ್ದ ಹಾಗೇ ಇರಲ್ಲ. ಕನಸುಗಳ ಹಾಗೇ... ಕವನದಂತೆ. ಕಾಗದದ ದೋಣಿಯಂತೆ ಸಾಗುತ್ತಲೆ ಇರುತ್ತದೆ. ನನ್ನ ಬದುಕು ಅಷ್ಟೇ. ಕನಸುಗಳೆಂದರೆ ಸಾಕು ಪಾತರಗಿತ್ತಿಯಾಗುತ್ತಿದ್ದೆ.ಪ್ರೀತಿ, ಕನಸುಗಳೆಂದರೆ ಸಾಕು ನನ್ನ ನಾ ಎಲ್ಲೋ ಕಳೆದುಕೊಳ್ಳುತ್ತಿದೆ. ಒಂಟಿತೆನ, ಆತ್ಮೀಯ ಗೆಳೆಯರ ಮಧ್ಯೆ ಬದುಕಿದ್ದ ನನಗೆ ಆಸರೆಯಾಗಿದದ್ದು ಕನಸುಗಳು. ಕನಸುಗಳೆಂದರೆ ನನ್ನ ಪಾಲಿಗೆ ಕೇವಲ ರಾತ್ರಿ ಮಲಗಿದಾಗ ಮನಸ್ಸು, ಕಣ್ಣು ಗಳ ಮಧ್ಯೆ ಆಗುವ ಮಧುರ ಅನುಭವ ಮಾತ್ರವಲ್ಲ. ಅದು ಎಚ್ಚರವಾಗಿದ್ದಾಗ ನನ್ನ ಜಾಗೃತಗೊಳಿಸುವ ಶಕ್ತಿಯಾಗಿತ್ತು, ನನ್ನ ಕನಸುಗಳಿಗೆ ಒಂದು ಚೌಕಟ್ಟು ಹಾಕಿ ಕೊಟ್ಟವಳು ನಾನು ಪ್ರೀತಿಸುವ ಪುಟ್ಟ.ನನ್ನ ಕನಸಿಗೆ ಆಸರೆಯಾಗಿ ನಿಂತು, ನನ್ನ ತಪ್ಪುಗಳನ್ನು ಕ್ಷಮಿಸಿ, ನನ್ನ ಕೋಪಗಳಿಗೆ ಮತ್ತೆ ಕಾಲವನ್ನೇ ಹೊಣೆಯನ್ನಾಗಿ ಮಾಡಿದಾಕೆ. ಅಲ್ಲಿ ಪ್ರೀತಿಯ ವ್ಯಾಪ್ತಿ ಬೆಳೆದಿತ್ತು ಕನಸಿನ ಕನಸು ಕೂಡಾ.........
ಅದಕ್ಕೆ ಸೆಲ್ಯೂಟ್ ಟೂ PUTTA

ಮೊನ್ನೆಯಿಂದ ಬೆಂಗಳೂರಿನಲ್ಲಿ ಮಳೆ ಸುರಿಯುತ್ತಿದೆ. ಮಳೆಯೆಂದರೆ ಸಾಕು ಅದೇನೋ ಖುಷಿ.... ನನ್ನೂರಿಗೆ ಮೊನ್ನೆ ಹೋಗಿದ್ದಾಗಲೂ ಅಷ್ಟೇ ಜೋರು ಮಳೆ. ಮತ್ತೆ ನನ್ನ ಬಾಲ್ಯದ ನೆನಪುಗಳಲ್ಲಿ ಮಿಂದೆ.ಕೆಸರಿನ ಆಟ, ಕಾಗದದ ದೋಣಿ, ಮಳೆಯೊಂದಿಗೆ ಜೋರು ಗಾಳಿ ಬಂದರೆ ಮಾವಿನ ಮರದಡಿಗೆ ಓಟ... ಹೀಗೆ. ಆದರೆ ಈಗ ಬದುಕೇ ಬದಲಾಗಿದೆ. ಮಳೆ ಬಂದರೆ ಬರೀ ನೆನಪುಗಳು ಬಂಡಿ ಹೂಡುತ್ತವೆ.ನನ್ನ ಪುಟ್ಟ ಮತ್ತೆ ಕವನಕ್ಕೆ ಸಾಥ್ ನೀಡುತ್ತಾಳೆ.ನನ್ನ ತಂಗಿ ಮತ್ತೆ ಮಾವಿನ ಹಣ್ಣು, ಕಾಗದದ ದೋಣಿ ಎಂಬ ಕಾರಣಕ್ಕೆ ತಾಯಿ ಕೈಯಿಂದ ಬೈಸಿಕೊಳುತ್ತಾಳೆ.

ಮಳೆಯಿಂದರೆ ಹೀಗೆ ಮತ್ತೆ ನೆನಪುಗಳು, ನೋವುಗಳು, ಆತಂಕಗಳು ಸಿಡಿಲು, ಮಿಂಚು ಬದುಕಿಗೆ ಹತ್ತಿರ ಅನ್ನಿಸಿಬಿಡುತ್ತದೆ. ಆದರೆ ನನಗೆ ಈ ಎಲ್ಲವನ್ನೂ ತಡೆಯಲಾಗಲಿಲ್ಲ. ಮೊನ್ನೆ ಮಳೆಯ ದಿವಸ ರಾತ್ರಿ ಒದ್ದೆಯಾಗಿಯೇ ಬಿಟ್ಟೆ. ಅವತ್ತು ನನ್ನಲ್ಲಿ ಖುಷಿ ಇತ್ತು. ಆದರೆ ಇವತ್ತು ಈ ಕ್ಷಣ ಬರೀ ಎದೆಯೊಳಗೆ ಭಾರವಿದೆ.

ಮಳೆ ಬಂತು ಮಳೆ ಹಾಡು ನೆನಪಿಸಿಕೊಳ್ಳಿ

ಎನನಿಸಿತು ಹೇಳಿ

ಬಣ್ಣ ಕಳಚುವ ಕೋಣೆ

2007-04-01T06:03:00.000-07:00

ಏಕಾಂತವಿದೆ ಗೆಳತಿ ಬದುಕಿನುದ್ದ
ಏಕಾಂಕವಿದೆ ಗೆಳತಿ ಜೀವನುದುದ್ದ
ನಾನು ಬಣ್ಣ ಹಚ್ಚುತ್ತೇನೆ
ನೀನೆ ಪ್ರೇಕ್ಷಕಿ
ತೆರೆ ಸರಿಯುತ್ತದೆ
ಬಣ್ಣದೊಳಗು ಬೆವರು ಸುರಿಯುತ್ತದೆ
ಮಾತು ಹೊರಡುವುದಿಲ್ಲ

ನಿನ್ನ ಮುಖದಲ್ಲಿ ನನ್ನ ಮಾತು
ಬಣ್ಣ ನನ್ನ ಮುಖದಲ್ಲಿ
ತೆರೆ ಮುಚ್ಚುತ್ತದೆ
ಬಣ್ಣ ಕಳಚಿಹೋಗುತ್ತದೆ
ಒಂದುಗೂಡುತ್ತೇವೆ ಬಣ್ಣ ಕಳಚುವ ಕೋಣೆಯಲ್ಲಿ
ವಿಮರ್ಶೆಯಿಲ್ಲದೆ......

ರಾಧಾಕೃಷ್ಣ ಆನೆಗುಂಡಿ

ನಾಟಕಗಳಿದೆ ಮನಸ್ಸಿಟ್ಟು ಬನ್ನಿ

2007-03-28T06:45:00.000-07:00

ಬರೆಯಲು ಮತ್ಕಾಕೋ ಒತ್ತಡ ಆದರೂ ಕೆಲ ದಿನಗಳ ಹಿಂದೆ ಕನ್ನಡ ರಾಮಾಯಣ ಮತ್ತು ನಿನ್ನೆ ಧರೆಯೊಳಗನ ರಾಜಕೀಯ ನಾಟಕಗಳನ್ನು ನೋಡಿದೆ. ಎರಡೂ ನಾಟಕಗಳು ಚೆನ್ನಾಗಿತ್ತು. ರಾಮಾಯಣ ದ ಬಗ್ಗೆ ಶ್ರೀದೇವಿಯವರ ೧೦೦ ಕನಸು ಬ್ಲಾಗಿನಲ್ಲಿ ಮಾಹಿತಿಗಳು ಸಿಗಬಹುದು ಜೊತೆಗೆ ಧರೆಯೊಳಗಿನ ರಾಜಕೀಯದ ಬಗ್ಗೆ ಕೂಡಾ.

೨ ನಾಟಕಗಳನ್ನು ಒಟ್ಟಿಗೆ ಗಮನಿಸಿದರೆ ಅದಕ್ಕೆ ಅವುಗಳದ್ದೇ ಆದ ತೂಕವಿದೆ. ರಾಮಾಯಣ, ಆಭಿನಯ, ಮಾತುಗಳ ಕಾರಣಕ್ಕೆ ನಮ್ಮನ್ನು ಹೊಸ ಲೋಕಕ್ಕೆ ಕರೆದುಕೊಂಡು ಹೋಗುತ್ತದೆ. ಹಾಡುಗಳು ಅಷ್ಟೇ. ಧ. ರಾ ಅಭಿನಯದ ಕಾರಣಕ್ಕೆ ಸೋಲುತ್ತದೆ. ಧಾರಾವಾಹಿ ನಟರು ಕಲಾಕ್ಷೇತ್ರದ ಛಾಪನ್ನು ಉಳಿಸಿಕೊಂಡಿಲ್ಲ ಅನಿಸುತ್ತದೆ.

ನಿಮಗೊಂದು ಆಹ್ವಾನ

ರಂಗಚೇತನ ಸಿಜಿಕೆ ನೆನಪಿನಲ್ಲಿ ಕಾರ್ಯಕ್ರಮವೊಂದನ್ನು ಹಮ್ಮಿಕೊಂಡಿದೆ ಈ ಅಂಗವಾಗಿ
೦೨.೦೪.೦೭ ರಂದು L.G. ಶಿವಕುಮಾರರವರ ಶ್ರೀ ಕೃಷ್ಣ ನಿರ್ಯಾಣ

೦೩.೦೪.೦೭ ರಂದು ಡಾ. ಸಿ. ವೀರಣ್ಣ ಅವರ ಕಪಿಲ - ಸಂಜೆ ೬ ಕ್ಕೆ

೦೪.೦೪.೦೭ ರಂದು ಸೇಡಿಯಾಪುರವರ ನಾಗರಬೆತ್ತ - ಸಂಜೆ ೭ ಕ್ಕೆ

೦೫.೦೪.೦೭ ರಂದು ಎಸ್. ಚಿದಾನಂದರವರ ದಿವ್ಯಾಂಬರಿ - " "

೦೬.೦೪.೦೭ ರಂದು ದೇವನೂರರ ಒಡಲಾಳ - ಸಂಜೆ ೬.೨೦

೦೭.೦೪.೦೭ ರಂದು ಶಿವಾಚಾರ್ಯ ಸ್ವಾಮಿಗಳ ಅಂಕುಶ ನಾಟಕ ಕಲಾಕ್ಷೇತ್ರ ಮತ್ತು ನಯನದಲ್ಲಿ ಪ್ರದರ್ಶನಗೊಳ್ಳಲಿದೆ

ಒಡಲಾಳ ಮತ್ತು ನಗರ ಬೆತ್ತ ನಾಟಕ ನೋಡಬೇಕು ಅಂದು ಕೊಂಡಿದ್ದೇನೆ. ಖಂಡಿತಾ ಬನ್ನಿ

ಮತ್ತೆ ಮತ್ತೆ ಬೇಕು ಬೇಡಗಳ ನಡುವಿನ ಗೊಂದಲ......

2007-03-24T07:46:00.000-07:00

ಮಂಗಳೂರು ನನ್ನ ಹೀಗೆ ಕರೆಯುತ್ತದೆ ಅಂತ ನನಗೆ ಗೊತ್ತಿರಲಿಲ್ಲ. ಕಳೆದ ಮಂಗಳವಾರ ಅಂದರೆ ಮಾರ್ಚ್ ೧೩ ರಂದು ನಮ್ಮ ಊರಿನ ಜಾತ್ರೆಗೆ ಹೋಗಿದ್ದೆ, ಜಾತ್ರೆ ಅಂದರೆ ನಮ್ಮ ಊರಿಗೆ ಅಂತ ಅಲ್ಲ ಏಲ್ಲರಿಗೂ ಸಂಭ್ರಮ.ಒಂದು ದಿನದ ಮಟ್ಟಿಗೆ ಅಲ್ಲಿದ್ದರೂ ಆ ಸಂಭ್ರಮವೇ ಭಿನ್ನ ಬಿಡಿ.ಆದರೆ ಮತ್ತೊಂದು ವಾರದ ಅಂತರದಲ್ಲಿ ಮಂಗಳೂರು ನನ್ನ ಕರೆಯುತ್ತದೆ ಅಂದು ಕೊಂಡಿರಲಿಲ್ಲ. ನನ್ನ ಅತ್ಮೀಯ ಗೆಳೆಯನೊಬ್ಬನ ಅಮ್ಮನ ಸಾವು ನನ್ನನ್ನು ಮತ್ತೆ ಮಂಗಳೂರಿನತ್ತ ಬಸ್ಸು ಹತ್ತಿಸಿತು. ಈ ಬಗ್ಗೆ ನಾನು ಏನೂ ಬರೆಯಲಾರೆ.ಎಲ್ಲರಿಗೂ ನೋವು ಸಹಿಸಿಕೊಳ್ಳುವ ಶಕ್ತಿ ಬರಲಿ ಎನ್ನುವುದು ನನ್ನ ಹಾರೈಕೆ. ನನ್ನ ಖಾಸಗಿ ವಿಚಾರ ಪ್ರಸ್ತಾಪಕ್ಕೆ ಕ್ಷಮೆ ಇರಲಿ.

ಆದರೆ ಕೆಲ ತಿಂಗಳುಗಳ ಹಿಂದೆ ಕಳೆದುಕೊಂಡಿದ್ದ ಪ್ರೀತಿಯ ವಸ್ತುವೊಂದು ನನಗೆ ಮತ್ತೆ ಸಿಕ್ಕಿದೆ.ಇದಕ್ಕಿಂತ ಸಂತೋಷದ ವಿಷಯ ನನ್ನಗೆ ಮತ್ಯಾವೂದೂ ಇಲ್ಲ. ನೋವಿನ ನಡುವೆ ನಲಿವು, ನಲಿವಿನ ನಡುವೆ ನೋವು ಇದೇನಾ ಜೀವನ.

ಪ್ರೀತಿಯೆಂಬ ನಿನ್ನದೇ ಕೂಸು.

2007-03-10T05:57:00.000-08:00

ಮಾತನಾಡ ಬೇಡ ಗೆಳತಿ
ಮಲಗಿದೆ ತೊಟ್ಟಿಲಲ್ಲಿ ಕೂಸು
ಇನ್ನು ಎಚ್ಚರವಾದರೆ
ಮತ್ತೆ ಮಲಗುವುದಿಲ್ಲ
ನೀನು ಮಾತನಾಡದಿದ್ದರೆ
ಮತ್ತೆ ಎಚ್ಚರವಾಗುವುದಿಲ್ಲ

ನನಗೂ ಬೇಕಾದುದು ಅದೇ
ಇನ್ನು ಅದು ಎಚ್ಚರವಾಗಬಾರದು
ಹೇಳಿದೆನಲ್ಲವೇ!
ಎದ್ದರೆ ಮಲಗುವುದಿಲ್ಲ
ಮಲಗಿಸಲಾಗುವುದಿಲ್ಲ
ನಿನ್ನಿಂದ ಹುಟ್ಟಿದ ಕೂಸು
ನೀನೇ ಬಿಟ್ಟು ಹೋದ ಕೂಸು

ಸುಮ್ಮನಿರು ಗೆಳತಿ ಮೌನದಲೇ ಮೇಣವಾಗು
ಕತ್ತಲಲ್ಲಿ ಕರಗಿ ಹೋಗು. ನಮ್ಮಿಬ್ಬರ ಕೂಸಿಗಾಗಿ

ಪ್ರೀತಿಯೆಂಬ...................?

2007-03-10T04:49:00.000-08:00

www.navilugari.blogspot.com
ಸುಮ್ಮನೆ ಯಾಕೆ ವರಿ ಮಾಡ್ತೀರಾ? ಪ್ರೀತಿಯೆಂದರೆ ಎನ್ನುವುದಕ್ಕೆ ಸಿಂಧು ಸೇರಿದಂತೆ ಅನೇಕ ಮಿತ್ರರರು ಪ್ರೇಮಿಗಳ ದಿವಸ ಬ್ಲಾಗನ್ನು ಪೂರ್ತಿ ರಕ್ತಮಯ ಮಾಡಿದ್ದೀರಿ ತಾನೇ. ಇವತ್ತು ನಾನು ಬರೆಯುತ್ತೇನೆ.
ಪ್ರೀತಿ ಎಂದರೆ ಹೊಳೆ, ಸಮುದ್ರ ಸಾಗರ ಅನ್ನುತ್ತಾರೆ. ಅದರೆ ಇದೊಂದು ಬಾವಿ ಕೂಡಾ ಹೌದು.ದುನಿಯಾ ನೋಡಿ ಗೊತ್ತಾಗುತ್ತೆ. ಮುಂಗಾರು ಮಳೆ ಮತ್ತು ದುನಿಯಾನ ಜೊತೆಯಲ್ಲಿರಿಸಿ ನೋಡಿ. ಇಬ್ಬರೂ ಗೆಳೆಯರ ಚಿತ್ರ ಹೇಗೆ ಗೆದ್ದಿದೆ ಎಂದು ನಿಮಗೆ ಅನ್ನಿಸಬಹುದು.ಎರಡೂ ಚೆನ್ನಾಗಿದೆ ಎಂದು ನೀವು ಅನ್ನಬಹುದು ಆದರೆ ಕಥೆಗೆ ಹೋಲಿಸಿಕೊಂಡರೆ ದುನಿಯಾ ನಮ್ಮ ಪಕ್ಕದ ಮನೆಯ ಹುಡುಗಿಯದ್ದೊ/ಹುಡುಗನದ್ದೊ ಅನ್ನುವಂತಿದೆ. ಮುಂಗಾರು ಮಳೆ ಅದರೊಳಗಿನ ಕೆಲಸ,ಹಾಡಿನ ಕಾರಣಕ್ಕೆ ಭಿನ್ನವಾಗಿದೆ,ಆದರೆ ಪ್ರೀತಿಯ ಮಟ್ಟಿಗೆ ಬಂದರೆ ದುನಿಯಾನದ್ದೇ ಮೇಲುಗೈ.
ಪ್ರೀತಿ ಇಷ್ಟಕ್ಕೆ ನಿಲ್ಲುವುದಿಲ್ಲ. ಮುಂಗಾರು ಮಳೆ ನಿಲ್ಲುತ್ತದೆ ಹಾಗೆ ಪ್ರೀತಿಯೂ ಅಷ್ಟೇ. ನಿಮ್ಮನ್ನೂ ನೀವೇ ನೆನಪಿಸಿಕೊಳ್ಳಿ ಕಾಲೇಜಿನಲ್ಲಿದ್ದಾಗ ಪ್ರೀತಿಸಿದ ಹುಡುಗನೋ ಹುಡುಗಿಯೋ ಈಗ ಸಿಕ್ಕಾಗ ನಿಮ್ಮ ಮನಸ್ಸಿನಲ್ಲಿ ಏನೂ ಇರುವುದೇ ಇಲ್ಲ. ಮಳೆ ಕೊಚ್ಚಿ ಹೋದ ತರೆಗೆಲೆಯಂತೆ ಪ್ರೀತಿ ಕೊಚ್ಚಿ ಹೋಗಿರುತ್ತದೆ. ನಿಮಗೊಂದು ಸವಾಲಿದೆ.ಪ್ರಥಮ ಪ್ರೀತಿಯಲ್ಲೇ ಜಯಗಳಿಸದವರನ್ನ ನನಗೆ ತೋರಿಸಿ.
ನೀನು ಇಲ್ಲದೆ ನಾನಿಲ್ಲ ಎಂದು ರಕ್ತದಲ್ಲಿ ಲವ್ ಲೆಟರ್ ಬರೆದ ಹುಡುಗಿ, ಗೆಳೆಯನನ್ನೇ ತೆಕ್ಕೆಯಲ್ಲಿ ಬರ ಸೆಳೆದು ಮುತ್ತಿಕ್ಕಿದ ಹುಡುಗಿ ಗೆಳೆಯನನ್ನೇ ನೀನು ಸರಿಯಿಲ್ಲ ಎಂದು ನಡೆದಿದ್ದಳು. ಹುಡುಗ ಹಲವು ದಿನ ಕಂಗಲಾಗಿದ್ದ ನೋವು ಉಂಡಿದ್ದ ಈಗ ಇಬ್ಬರೂ ಆರಾಮವಾಗಿದ್ದರೆ. ಬೇರೆ ಬೇರೆಯವರನ್ನು ಪ್ರೀತಿಸುತ್ತಿದ್ದಾರೆ. ನೀವೇ ನಿಮ್ಮ ಬದುಕಿನ ಸುತ್ತಾ ಕಣ್ಣಾಡಿಸಿ, ನಿಮ್ಮ ಗೆಳೆಯರ/ ಗೆಳತಿಯರ ಬಗ್ಗೆ ಒಂದು Flash Back ಗೆ ಹೋಗಿ, ನಾನು ಹೇಳಿದ್ದು ಸುಳ್ಳಾಗಿದ್ದರೆ ಹೇಳಿ.
ಪ್ರೀತಿಗೆ ಮಿತಿಯಿಲ್ಲ, ಅಡ್ಡಗೋಡೆಯಿಲ್ಲ ಇದು ನಿಜ ಆದರೆ ಪರಿಧಿಯೂ ಇಲ್ಲ, ಮೊದಲ ದಿನ ಮೌನ ಆಳುವೇ ತುಟಿಗೆ ಬಂದಂತೆ
ಭಾವಗೀತೆಯನ್ನು ನೆನಪಿಸಿಕೊಳ್ಳಿ. ಹಾಗೇ ಕೆ.ಎಸ್. ನ ರವರ ’ಹೂ ಅರಳುವ ಮುನ್ನ, ಹಕ್ಕಿ ಹಾಡುವ ಮುನ್ನ ಮೀನು ತುಳುಕುವ ಮುನ್ನ ’ ಹಾಡನ್ನು ಗುಣು ಗುಣಿಸಿ. ಒಂದು ಕ್ಷಣ ಏನು ಅನ್ನಿಸಿತು ಹೇಳಿ.ಬಹುಶ:

ನೆನಪೇ ಏಕೆ ಕಾಡುವೇ
ನೆನಪೆ ಬಿಡದೆ ಕಾಡುವೇ
ಮನಸ್ಸು ರಸ ನಿಮಿಷ ನೆನೆದು ಅದನ್ನೇ ಕನವರಿಸಿದೆ. ಎಂದೂ ನೀವು ಹಾಡಿರ ಬಹುದಲ್ಲ. ಇದೇ ಪ್ರೀತಿ.

ನಾನು ಅಷ್ಟೇ ಪ್ರೀತಿಯ ಸುತ್ತ ಬೆಳೆದವನು ಅದನ್ನು ಕಳೆದುಕೊಂಡು ಆ ನೋವನ್ನು ಮೆಟ್ಟಿ ನಿಂತವನು. ನೋವ ಗೋರಿಯ ಮೇಲೆಯೇ ನನ್ನ ವಿಜಯ ಪತಾಕೆಯನ್ನು ಹಾರಿಸಲು ನಿರ್ಧರಿಸಿದವನು. ಹೀಗಾಗಿಯೇ ನೆನಪು ಯಾಕೆ ಕಾಡುವೇ ಏನ್ನುವ ಸಾಲು ನನ್ನ ಕಾಡಿದ್ದು.

ಪ್ರೀತಿಯ ಬಗ್ಗೆ ಇನ್ನಷ್ಟು ಬರೆಯುತ್ತೇನೆ. ಅದಕ್ಕಿಂತಲೂ ಮುನ್ನ ನನ್ನ ಅಕ್ಕನ ಬಗ್ಗೆ ಬರೆಯಬೇಕು, ಸಾಧ್ಯವಾದರೆ ನನ್ನ ಅಕ್ಕ ಬರೆದ ಇಂಗ್ಲೀಷ್ ಕವನಗಳು ಇಲ್ಲಿದೆ ದಯವಿಟ್ಟು ಕಣ್ಣಾಡಿಸಿ - http://ashu-mahesh.blogspot.com
ನನ್ನದೇ ಕವನವಿದೆ ಓದಿ ಪ್ರತಿಕ್ರಿಯಿಸಿ. ಅದಕ್ಕೂ ಮುನ್ನ ನಾಳೆ ನನ್ನ ಗೆಳೆಯನೊಬ್ಬನ ಬಗ್ಗೆ ಬರೆಯಿತ್ತೇನೆ. ಅಮೇಲೆ ನನ್ನ ಅಕ್ಕ.ಮೊದಲು ಅಕ್ಕ ತಮ್ಮನ ಕವನ ಓದಿ

ವಾರಾಂತ್ಯದಲ್ಲಿ ಒಂದಿಷ್ಟು ಮಾತು...

2007-03-10T04:28:00.000-08:00

ಮತ್ತೊಂದು ವಾರ ಕಳೆದು ಹೋಗಿದೆ. TV 9 ಕಚೇರಿಗೆ ದಾಳಿ ಸೇರಿದಂತೆ ಹಲವು ಬೆಳವಣೆಗೆಗಳು ನಡೆದಿದೆ.ಮಾಧ್ಯಮ ಮಂದಿಯ ಮೇಲೆ ದಾಳಿ ಮಾಮೂಲಿ ನನಗೂ ಇದರ ಅನುಭವಾಗಿದೆ. ಆದರೆ ಕರ್ನಾಟಕದ ಮಟ್ಟಿಗೆ ಈ ದಾಳಿ ಪ್ರಥಮವೇ ಸರಿ. ಇದೊಂದು ಆತಂಕಕಾರಿ ಬೆಳವಣೆಗೆ ಅನ್ನುವುದರಲ್ಲಿ ಎರಡು ಮಾತಿಲ್ಲ.ಮುಂದೆ ಇದು ತೀವ್ರತೆಯನ್ನು ಪಡೆಯದಿದ್ದರೆ ಸಾಕು ಎನ್ನುವುದು ನನ್ನ ಆಶಯ.
ಆದರೆ ಪ್ರಚಾರ ಪಡೆಯುವ ಭರಾಟೆಯಲ್ಲಿ TV9 ಮಾಡಿಕೊಳ್ಳುತ್ತಿರುವ ಎಡವಟ್ಟುಗಳು ಮಾತ್ರ ಒಂದಲ್ಲ, ಎರಡಲ್ಲ. ರಕ್ಷಿತಾ ಮದುವೆ ಈ ಪರಿಯ ಪ್ರಚಾರ ಬೇಕೇ ( ZEE Kannada ) ಹೊರತಾಗಿಲ್ಲ. ಅದರೆ TV 9 ನದ್ದು ಅತೀಯಾಯಿತು. ವರದಿಗಾರ್ತಿಯೊಬ್ಬಳು ಕೇಳಿದ ಪ್ರಶ್ನೆಯಂತ್ತು ......... ನಾ ಹೇಳಲಾರೆ ಬಿಡಿ ನೀವೇ ಕೇಳಿ.

೧. ನಾಳೆ ನೀವು ಯಾವ ಡ್ರೆಸ್ ಹಾಕ್ತೀರಾ ? ಪುಣ್ಯ ರಕ್ಷಿತಾ ಸಾರಿ ಬಗ್ಗೆ ಮಾತ್ರ ಹೇಳಿದ್ಲು.

೨. ಯಾವ ಬ್ಯೂಟಿ ಪಾರ್ಲರ್ ನವರು ನಿಮಗೆ ಮೇಕಪ್ ಮಾಡುತ್ತಾರೆ.? ಇವರಿಗ್ಯಾಕೆ ಅಧಿಕ ಪ್ರಸಂಗ....

ಹೀಗೆ ಅಸಬಂದ್ಧ ಪ್ರಶ್ನೆಗಳೇ ಮುಂದುವರಿದಿತ್ತು. ಇಷ್ಟೊತ್ತಿಗೆ ರೋಸಿ ಹೋದ ಗೆಳೆಯ ಪ್ರಸಾದ್ ಟಿ.ವಿ. ಆಫ್ ಮಾಡಿದ್ದ.

ಕೊನೆ ಮಾತು

ರಕ್ಷಿತಾ - ಪ್ರೇಮ್ ವಿವಾಹದ ಸಮಗ್ರ , ಸಚಿತ್ರ ವರದಿ TV 9 ನಲ್ಲಿ ಮಾತ್ರವಂತೆ ಅಂತಾ ಅವರೇ ಹೇಳ್ತಾ ಇದ್ರೂ.
ಕೆಲ ಪಡ್ಡೆ ಹುಡುಗರು ರಾತ್ತ್ರಿ ೧೨ ಕಳೆದರೂ TV 9 ಮುಂದೆ ಕೂತಿದ್ದರೂ ಆದರೆ ಮದುವೆ ಮಂಟಪದಿಂದ TV 9 ಕ್ಯಾಮಾರ ಪ್ರೇಮ್ ಮನೆಗೆ ಹೋಗಿರಲಿಲ್ಲ.

ಮರೆಯಾದ ದಿನಗಳ ಬಗ್ಗೆ ಮತ್ತೆ ಬರೆಯಲೇ............

2007-03-06T05:54:00.000-08:00

ಬಹಳ ದಿನಗಳಿಂದ ಏನೂ ಬರೆಯಲಾಗಲಿಲ್ಲ. ಕಾರಣ ಏನೆಂದು ನೀವು ಕೇಳಿದರೆ ನನ್ನ ಬಳಿ ಉತ್ತರವಿಲ್ಲ. ಹೇಳುವಂತ ಒತ್ತಡಗಳಿರಲಿಲ್ಲ. ಬರೆಯಬೇಕು ಏನ್ನುವ ಕನಸು ಮಾತ್ರ ಜೀವಂತವಿತ್ತು ಅದು ನನಗೆ ಖುಷಿ ತಂದಿದೆ.
ನನ್ನ ದಿನಚರಿಯಲ್ಲಿ ಹಲವಾರು ಬದಲಾವಣೆಗಳಾಗಿದೆ. ಮಂಗಳೂರಿನಿಂದ ಬೆಂಗಳೂರಿಗೆ ಬಂದ ಬಳಿಕ ನನ್ನ ಕನಸುಗಳ ಬಗ್ಗೆ ಕನಸಿನ ಹುಡುಗಿಯ ಬಗ್ಗೆ ಬರೆಯಲಾಗಲೇ ಇಲ್ಲ. ಮೊನ್ನೆ ಅದೇ ಯೋಚನೆ ಮಾಡುತ್ತಿದೆ ನನ್ನ ಕನಸುಗಳಿಗೆ ಏನಾಗಿದೆ ಎಂದು.......... ಜೊತೆಗೆ ಹಿಂದಿನಂತೆ ಈಗ ಬರೆಯಲಾಗುತ್ತಿಲ್ಲವಲ್ಲ. ಹೌದು ಮತ್ತೆ ಬರೆಯಲೇಬೇಕು ಎಂದು ಹಠ ಕಟ್ಟಿದ್ದೇನೆ. ಮತ್ತೆ ಬರೆಯಲೇ ಬೇಕು.
ಇವತ್ತು ನಿಮ್ಮೊಂದಿಗೆ ಹಂಚಿಕೊಳ್ಳಲೇ ಬೇಕು ಮೊನ್ನೆ ಅನೇಕ ನಾಟಕೋತ್ಸವಕ್ಕೆ ಹೋಗಿದ್ದೆ ’ಮದುವೆ ಹೆಣ್ಣು ’ ,
ಅಧೆ ಅಧೂರೆ ಮತ್ತು ನೆನಪಾದಳು ಶಕುಂತಲೆ ನಾಟಕಗಳ ಪ್ರದರ್ಶನ ಅಯೋಜಿಸಲಾಗಿತ್ತು. ನಾನು ನೋಡಿದ್ದು ಎರಡೇ ನಾಟಕ ಅದು ’ಮದುವೆ ಹೆಣ್ಣು ’ ಮತ್ತು ನೆನಪಾದಳು ಶಕುಂತಲೆ.
ಮದುವೆ ಹೆಣ್ಣು , ಬುಡಕಟ್ಟು ಜನಾಂಗದ ವ್ಯಕ್ತಿ ಮತ್ತು ಬೌದ್ಧ ಸನ್ಯಾಸಿಯ ಸುತ್ತ ನಡೆಯುವ ಕಥೆ. ಮಾನವನ ಚಂಚಲ ಮನಸ್ಸು, ಹಠ ಇವೆಲ್ಲಾವನ್ನೂ ವಿವರಿಸುವ ನಾಟಕ ರಂಗದ ಮೇಲಿನ ಅಭಿನಯ, ಸಂಯೋಜನೆಯ ಕಾರಣಕ್ಕೆ ತುಂಬಾ ಇಷ್ಟವಾಯಿತು.
ಶಕುಂತಲೆ ಬಗ್ಗೆ ನಾನು ಬರೆಯುವ ಅಗತ್ಯವಿಲ್ಲ ಆದರೂ ಪ್ರೀತಿಯನ್ನು ಮುಂಗಾರು ಮಳೆಯಂತೆ ( ಕಥೆಯೊಂದನ್ನು ಬಿಟ್ಟು)ತೋರಿಸಲಾಗದಿದ್ದರೂ ನನ್ ಮಗ ಕಾಳಿದಾಸನ ಮೆಚ್ಚಲೇ ಬೇಕು. ನಾಟಕ ಅದ್ಭುತವಾಗಿತ್ತು.ನಟರ ಕಾರಣಕ್ಕೆ ನಾಟಕ ಹಿಟ್ ಆಯಿತು ಅನ್ನುವುದರಲ್ಲಿ ಸಂಶಯವಿಲ್ಲ.
ಜೊತೆಗೆ ಮೊನ್ನೆ ಭಾನುವಾರ S.P. ಮತ್ತು ಅಶ್ವಥ್ ಕಾರ್ಯಕ್ರಮಕ್ಕೆ ಹೋಗಿದ್ದೆ ಭಾವಗೀತೆಗಳ ಮಳೆ, ನನ್ನ ಪ್ರೀತಿಯ ಎಂ.ಡಿ.ಪಲ್ಲವಿ ದನಿ ನನ್ನ ಹಳೆಯ ಕನಸು ಮತ್ತೆ ಜೀವ ತುಂಬಿದೆ, ಮತ್ತೆ ಬರುತ್ತೇನೆ.

ಅಕ್ಕನ ಬಗ್ಗೆ, ಕನಸು ತುಂಬಿದವರ ಬಗ್ಗೆ ಮತ್ತೆ ಬರೆಯಿತ್ತೇನೆ. ನಮಸ್ಕಾರ

ಮುಂಗಾರು ಮಳೆ....... ನೆನೆದು ಬಂದೆ

2007-02-14T07:40:00.000-08:00

ಬಹಳ ದಿನಗಳ ಬಳಿಕ ಚಿತ್ರಮಂದಿರದತ್ತ ಮುಖ ಹಾಕಿದ್ದೆ. ಮುಂಗಾರು ಮಳೆ ಸಿನಿಮಾ ಚೆನ್ನಾಗಿದೆ ಎಲ್ಲರೂ ಹೇಳುತ್ತಿದ್ದರು, ಆದರೆ ನೋಡಿರಲಿಲ್ಲ,ನಿನ್ನೆ ಸಹೋದ್ಯೋಗಿ ಗೆಳತಿ ಅಕ್ಕ ಶ್ರೀ... ಯ ಆಚಾನಕ್ ನಿರ್ಧಾರದಿಂದ ಮುಂಗಾರು ಮಳೆಗೆ ಆಚಾನಕ್ ಆಗಿ ಮೈ ಒಡ್ಡುವಂತಾಯಿತು.
ಬ್ಲ್ಯಾಕ್ ನಲ್ಲಿ ಟಿಕೇಟ್ ಖರೀದಿ ಮಾಡಿ ಒಳನುಗ್ಗಿದರೂ ಮೋಸವಾಗಲಿಲ್ಲ.

ಮಳೆ ಕಥೆಯಾಗುತ್ತದೆ, ಕವಿತಯಾಗುತ್ತದೆ, ಮನಸ್ಸಿಗೆ ಮುದ ನೀಡುತ್ತದೆ ಜೊತೆಗೆ ಕಣ್ಣೀರು ತರಿಸುತ್ತದೆ ಎಂದು ನಮಗೆ ಗೊತ್ತೆ ಇದೆ. ಆದರೆ ಮುಂಗಾರು ಮಳೆ ಸುಡುವ ರೀತಿ ಭಿನ್ನ ಎಂಬುದನ್ನು ಈ ಚಿತ್ರ ತೆರೆದಿಟ್ಟಿದೆ. ಕಥೆಯನ್ನು ನೋಡಿದರೆ ಬಾಲಿಶಾ ಅನ್ನಿಸಬಹುದು. ಆದರೆ ಕಥೆಯನ್ನು ಹೆಣೆದ ರೀತಿ ಸಾಕಷ್ಟು ಮುದ ನೀಡುತ್ತದೆ. ಮದುವೆ ಗೊತ್ತಾದ ಹುಡುಗಿ ಈ ರೀತಿ ಮನಸ್ಸು ಬದಲಾಯಿಸಲು ಸಾಧ್ಯವೇ ಎನ್ನುವ ಪ್ರಶ್ಣೆ ನಮ್ಮ ಮುಂದೆ ಉಧ್ಬವವಾಗುತ್ತದೆ. ಆದರೆ ಪ್ರೀತಿಗೆ ಈ ಶಕ್ತಿ ಇದೆ ಅನ್ನುವುದು ಪ್ರೀತಿಸಿದ ಎಲ್ಲರಿಗೂ ಗೊತ್ತಿದೆ.
ಚಿತ್ರವನ್ನು ಹಲವು ಕೋನಗಳಲ್ಲಿ ನಾವು ಗಮನಿಸ ಬೇಕು. ಹಿಂದೆ ನಾನು ಕಥೆಯ ಬೆನ್ನು ಹತ್ತುತ್ತಿದೆ. ಈಗ ತಾಂತ್ರಿಕ ಕೋನಗಳಿಂದಲೂ ನೋಡುವ ಹುಚ್ಚು ಬೆಳೆದಿರುವುದರಿಂದ ಚಿತ್ರ ಚೆನ್ನಾಗಿದೆ,ಈ ಕಾರಣಕ್ಕಾಗಿಯೇ ಜನ ಸಾಮಾನ್ಯನಿಗೂ ಚಿತ್ರ ಇಷ್ಟವಾಗುತ್ತದೆ.
ಕ್ಯಾಮಾರ ವರ್ಕ್ ಚೆನ್ನಾಗಿದೆ ಜಲಪಾತವನ್ನು ಮೈ ಜುಂ ಅನ್ನುವಂತೆ ತೋರಿಸಿದ್ದಾರೆ. ಸಂಭಾಷಣೆ ಕೂಡಾ ಅಷ್ಟೇ ತುಂಬಾ ಗ್ರಾಂಥಿಕವಾಗಿಲ್ಲ.ನಾವು ನೀವು ಮಾತಾನಾಡುವಂತಿದೆ.ಗಣೇಶ್ ಪ್ರೇಮ ಪ್ರಸಂಗವನ್ನು ವಿವರಿಸುವಾಗ ಆಪ್ತರಾಗಿತ್ತಾರೆ. ಹಾಸ್ಯವೂ ಆಷ್ಟೇ ಕೇವಲ ಚಡ್ಡಿ ಪ್ರಸಂಗ ನಮ್ಮನ್ನು ನಗಿಸುತ್ತದೆ.
ಮೊಲ( ದೇವದಾಸ್ ) ನಮ್ಮನ್ನು ಕಾಡುತ್ತದೆ.
ನಮ್ಮ ನಿಮ್ಮ ನಡುವಿನ ಪೇಮ ಕಥೆಯೊಂದು ತೆರೆಯ ಮೇಲೆ ಮೊಡಿದೆ ಆಷ್ಟೇ ಅಂದುಕೊಳ್ಳುವಷ್ಟು ಹತ್ತಿರವಾದ ಕಥೆಯಲ್ಲಿ ಇಷ್ಟವಾಗದ ಪಾತ್ರವೊಂದಿದೆ ( ಕೊನೆ ಹನಿ ನೋಡಿ)
ಹಾಡುಗಳು ಇಂಪಾಗಿದೆ, ಆದರೆ ಮತ್ತೊಂದು ಚಿತ್ರ ಬಂದಾಗ ಈ ಹಾಡು ಮರೆಯಾಗುತ್ತದೆ ಎನ್ನುವುದು ನೆನಪಿರಲಿ. 'ನೆನಪಿರಲಿ' ಚಿತ್ರದ ಹಾಡು ನಮ್ಮ ಮನಸ್ಸು ಗುಣು ಗುಣಿಸುವಾಗ 'ಮು.ಮಳೆ 'ಆ ಜಾಗವನ್ನು ಅಕ್ರಮಿಸಿದೆ. ಮುಂದೆ.....
Any way ಮುಂಗಾರು ಮಳೆ ಆಪ್ತವಾಗಿದೆ , ಗಣೇಶ್ ನಂಥ ಕಲಾವಿದರ ತಾಕತ್ತನ್ನು, ಭಟ್ಟ, ಕೃಷ್ಣ ಅನಾವರಣಗೊಳಿಸಿದ್ದಾರೆ. ಜಲಪಾತದ ಎತ್ತರ ಪ್ರೀತಿಯ ಎತ್ತರವನ್ನು ಆಳವನ್ನು ತೋರಿಸಿದೆ. ಚಿತ್ರವನ್ನು ಇನ್ನಷ್ಟು ಸಲ ನೋಡುವ ಹಂಬಲ ನನಗಿದೆ, ನಿಮಗೆ .....
ಸಲಾಂ to ಮುಂಗಾರು ಮಳೆ

ಕೊನೆ ಹನಿ
#. ಮಳೆ ಬೀಳುವ ಮುನ್ನವೇ ಮಳೆ ಅನುಭವ ನೀಡುವ ಈ ಚಿತ್ರ ಮನಸ್ಸಿಗೆ ಬಹಳ ಆಪ್ತವಾಗುತ್ತದೆ.ಮನಸ್ಸು ಹಗುರಾಗುತ್ತದೆ, ಚಿತ್ರ ನೋಡಿದಾಗ ನನ್ನ -ಗೆಳೆಯರ ಹಳೆಯ ಪ್ರೇಮ ಪ್ರಸಂಗ ನೆನಪಾಗುತ್ತದೆ.
#. ಬೆಂಗಳೂರಿಗೆ ವಾಪಾಸ್ ಹೊರಟ ನಾಯಕ ಮತ್ತೆ ನಾಯಕಿಯ ಛಾಲೆಂಜ್ ಮಾತಿನಿಂದ ಮಡಿಕೇರಿ ಕಡೆಗೆ ಕಾರು ತಿರುಗಿಸುವಾಗ ನನಗೆ ನಾನೇ ನೆನಪಾದೇ. ನನ್ನ ಹಠದ ಛಾಲೆಂಜ್ ನ ಕಾರಣಕ್ಕೆ ಪ್ರೀತಿಯನ್ನು ಕಳೆದುಕೊಂಡವನು.
#. ನಾಯಕಿ ಸಂಜನಾ ಗಾಂಧಿ ಮಾತ್ರ ನನಗೆ ಇಷ್ಟವಾಗಲೇ ಇಲ್ಲ. ಅಭಿನಯಕ್ಕಿಂತಲೂ ಏನೋ ಕೊರತೆ ನನಗೆ ಕಾಣಿಸುತ್ತಿತ್ತು. ಅದಕ್ಕಿಂತಲೂ ಆಕೆಯ ಗೆಳೆತಿ ಚೆನ್ನಾಗಿದ್ದಾಳೆ. ಗೆಳತಿಯ ಪರಿಚಯವಿದ್ದರೆ ನನಗೆ ದಯವಿಟ್ಟು ತಿಳಿಸಿ ನನಗೂ ಮುಂಗಾರಿನ ಮಳೆಯಲಿ ಮೀಯುವ ಹಂಬಲವಿದೆ.

ಬೆರಗಿನಾಟ

2007-02-10T05:05:00.000-08:00

ಈಗಷ್ಟೆ ಆದ ಮೈಥುನಕ್ಕೆ
ಗರ್ಭ ಕಟ್ಟಿದೆ.
ಯಾವುದೇ ಗುರುತಿಲ್ಲದ ಸಿಹಿ.
ಇನ್ನೆಷ್ಟು ದಿನ ಕಾಯಬೇಕು ಸಂಭ್ರಮಕ್ಕೆ
ಮೈಥುನದ ನೆನಪು ಒಂದು ಬಗೆ.
ಫಲಿತಾಂಶಕ್ಕೆ ಕಾಯುವ ಪರಿ ಮತ್ತೊಂದು ಬಗೆ

ಎರಡರೊಳಗಿನ ಬೆರಗು
ಅದರೊಳಗಿನ ಅಚ್ಚರಿ
ಮೊದಲ ಕೊನೆಯ ನೆನಪು
ಮೌನವಾಗಿ ಸಿಕ್ಕ ಸಿಹಿಗೆ
ಮತ್ತೊಂದು ಬಗೆಯ ಸಿಹಿಗೆ
ಮೌನವಾಗಿ ಕಾಯಬೇಕು
ಬೆಳವಣಿಗೆಯ ಬೆರಗುಗಳನ್ನು
ಅಚ್ಚರಿಯಿಂದ ಕಾಣಬೇಕು

ಸಣ್ಣ ಬೀಜಕ್ಕೆ ದೊಡ್ಡ ಮರ
ದೊಡ್ಡ ಮರದಲ್ಲಿ ಸಣ್ಣ ಬೀಜ
ಬೀಜ ಬಿದ್ದರೆ ಮತ್ತೊಂದು ಮರ
ದಿನ ಉರುಳಿದರೆ ಸಾಕು

ಮತ್ತೊಂದು ಬೆರಗಿನ ಆಗಮನ
ಮತ್ತೊಮ್ಮೆ ಮೈಥುನ
ಇದುವೇ ಸಂಭ್ರಮದ ಬೆರಗು.

ಟಿ.ವಿ. ನ್ಯೂಸ್ ಸುತ್ತ....

2007-02-06T05:42:00.000-08:00

ಸುದ್ದಿ ಹಿನ್ನೆಲೆಯ ಹುಚ್ಚಿನಿಂದ ಬಂದ ನನಗೆ ಸುದ್ದಿಗಳ ಬಗ್ಗೆ ಬರೆಯುವುದು ಮಾತನಾಡುವು ಎಂದರೆ ಇಷ್ಟ. ಅದರಲ್ಲೂ. Visual Media ಬಗ್ಗೆ ನನ್ನದೇ ಆದ ಕನಸುಗಳಿವೆ. Print media ದಲ್ಲಿ ನನ್ನನ್ನು ತೊಡಗಿಸದೇ ಇರುವುದು ಇದಕ್ಕೆ ಕಾರಣವಿರಬಹುದು. ಆದರೆ ನಾನು ಇವತ್ತು ನಿಮ್ಮೊಂದಿಗೆ ಹಂಚಿಕೊಳ್ಳಲು ಬಯಸಿರುವುದು. ದೃಶ್ಯ ಮಾಧ್ಯಮದ ಬಗ್ಗೆ ಅದರಲ್ಲೂ ಸುದ್ದಿಯ ಬಗ್ಗೆ.....
ರಾಷ್ಟ್ರ ಮಟ್ಟದಲ್ಲಿ ಮಿಂಚುತ್ತಿರುವ ಅಜ್ ತಕ್, NDTV, CNN IBN ಹೀಗೆ ಹಲವು ಚಾನೆಲ್ ಗಳನ್ನು ಗಮನಿಸಿ ಇದರ ಜೊತೆಗೆ ಕರ್ನಾಟಕದ ETV, udya ಟಿವಿಯ ಸುದ್ದಿಗಳನ್ನು ಗಮನಿಸಿ ಅವು ನಮಗೆ ನೀಡುತ್ತಿರುವ ಸುದ್ದಿಗಳಲ್ಲಿನ ಭಿನ್ನತೆ ಅರಿವಾಗುತ್ತದೆ.ಇದು ಸಹಜವೇ.ಆದರೆ ಪ್ರಸ್ತುತ ಪಡಿಸುತ್ತಿರುವ ರೀತಿಯಲ್ಲೂ ಭಿನ್ನತೆಗಳಿದೆಯಲ್ಲ. ಇದು ನನಗೆ ಇಂದಿಗೂ ಅಚ್ಚರಿ ಉಂಟು ಮಾಡುತ್ತಿರುವುದು.
ಕನ್ನಡದ ವಾಹಿನಿಯ ಸುದ್ದಿ ವಿಭಾಗದಲ್ಲಿ ಅದರಲ್ಲೂ ವರದಿಗಾರರಾಗಿ ಕೆಲಸ ಮಾಡುವವರನ್ನು ಗಮನಿಸಿ -ಅಂದರೆ ಅವರು ಟಿ.ವಿ ಯಲ್ಲಿ ಕೊಡುವ PTC ಇರಬಹುದು, Phonein ಇರಬಹುದು ಎಲ್ಲವೂ ಒಂದು ತರ ನಾಟಕೀಯ ಅನ್ನಿಸಿಬಿಡುತ್ತದೆ, ವಿವರಗಳ ಕೊರತೆ ಎದ್ದು ಕಾಣುತ್ತದೆ. ( ಒಂದಿಬ್ಬರನ್ನು ಹೊರತು ಪಡಿಸಿ ) ಜೊತಗೆ live PTC ನೋಡಿದರೆ ಅಯ್ಯೋ ಅನ್ನಿಸುತ್ತದೆ. recording time ನಲ್ಲಿ ೨೦ ಟೇಕ್ ತೆಗೆದುಕೊಳ್ಳುವವರನ್ನು ನಾನು ನೋಡಿದ್ದೇನೆ. ನಮ್ಮಲ್ಲಿ PTC, Phonein ಕೊಡಬೇಕಾಗಿ ಬಂದಾಗ ಚೀಟಿಯಲ್ಲಿ ಬರೆದು, ಕಂಠಪಾಠ ಹೊಡೆಯುವ ಪರಿಸ್ಥಿತಿ. ಆದರೆ ಅನುಭ ಬೋಸ್ಲೆ ಅಂಥವರು ನಮ್ಮಲ್ಲಿ ಯಾಕೆ ಬರುತ್ತಿಲ್ಲ?.
ಅದೇ National ಚಾನೆಲ್ ನೋಡಿ. ಬಿಂದಾಸ್ ಅನ್ನಿಸಲ್ವ. ಜನ ಜಂಗುಳಿಯ ನಡುವೆ ಹುಡುಗಿಯರೇ ವಿವರಗಳನ್ನು ಒಪ್ಪಿಸುತ್ತಾರೆ.
ಕನ್ನಡದ ವರದಿಗಾರರಿಗೆ,ಗಾರ್ತಿಯರಿಗೆ ಏನಾಗಿದೆ.ಆದರೆ ಇತ್ತೀಚೆಗೆ ಬಂದಿರುವ TV9 ಈ ಕೊರತೆಯನ್ನು ಹೋಗಲಾಡಿಸಬಹುದು ಅಂದುಕೊಂಡಿದ್ದೇನೆ.ಇದರ ಮೊದಲ ಪ್ರಯತ್ನ ಚೆನ್ನಾಗಿದೆ.ನನ್ನ ಕನಸುಗಳು ಇಷ್ಟೇ ಕನ್ನಡದಲ್ಲೂ CNN IBN ನಂತೆ ವರದಿಗಾರರು, ಗಾರ್ತಿಯರು ಬರಬೇಕು ಎಂಬುದು.
ನಿಮ್ಮಲ್ಲಿ ಉತ್ತರಗಳಿದ್ದರೆ ಪ್ರತಿಕ್ರಿಯಿಸಿ

ಪೇಪರ್ ಕಟ್ಟಿಂಗ್........... ಕವನದ್ದು.....

2007-02-03T09:37:00.000-08:00

ಇದು ಉದಯವಾಣಿ ಮತ್ತು ಜನವಾಹಿನಿ ಪತ್ರಿಕೆಯಲ್ಲಿ ಪ್ರಕಟವಾದ ಕವನ.ಕುಟ್ಟಲು ಸೋಮಾರಿತನ ಅದಕ್ಕೆ ಇದನ್ನೇ ನಿಮ್ಮ ಬಳಿ ತಂದಿದ್ದೇನೆ.
ನೀವು ಕುಟ್ಟಲೇಬೇಕು ಎಂದು ಹೇಳಿದರೆ ಕುಟ್ಟುತ್ತೇನೆ.

ಹೋಲಿಕೆ

2007-02-03T04:39:00.000-08:00

ಮಡಿಕೇರಿಗೆ ಕಳೆದ ವರ್ಷ ಹೋಗಿದ್ದಾಗ ಗೋಲ್ಡನ್ ಟೆಂಪಲ್ ನಲ್ಲಿ ತೆಗೆದ ಪೋಟೋ .. ಯಾಕೋ ಹೋಲಿಕೆ ಅನ್ನಿಸಲ್ವಾ?

ಹಳೆಯ ನೆನಪು ಎನ್ನುವ ರೋಗ...

2007-02-02T07:19:00.000-08:00

ಇದು ಮಂಗಳೂರಿನಲ್ಲಿ ಇದ್ದ ಸಂದರ್ಭದಲ್ಲಿ ತೆಗೆದ ಪೋಟೋ.

ನೌಕದಳದ ವರ್ಷಾಚರಣೆ ಅಂಗವಾಗಿ ಪ್ರತೀ ವರ್ಷ ಪತ್ರಕರ್ತರನ್ನು ಸಮುದ್ರ ಮಧ್ಯಕ್ಕೆ ಕರೆದುಕೊಂಡು ಹೋಗಿ, ಅಣಕು ಯುದ್ಧ ಕಾರ್ಯಾಚರಣೆ ನಡೆಸುತ್ತಾರೆ. ಆ ಸಂದರ್ಭದ ನೆನಪಿದು. ಇದಕ್ಕೆ ಸಂಬಂಧ ಪಟ್ಟ ಇನ್ನು ಹಲವು ಫೋಟೋಗಳಿವೆ. ಅವುಗಳನ್ನು ಕೂಡಾ ನಿಮಗೆ ಖಂಡಿತಾ ತೋರಿಸುತ್ತೇನೆ.

ಮೊದಲ ಈ ಯಾತ್ರೆ ಕೈಗೊಂಡಾಗ ಖುಷಿ. ನಂತರದ ವರ್ಷಗಳಲ್ಲಿ ಈ ದಿನವಾದರೂ ಯಾಕೆ ಬಂತೋ ಎಂದು ಅಂದುಕೊಳ್ಳುತ್ತೇವೆ. ಆದರೆ ನಿಮ್ಮಲ್ಲಿ ಹಲವರಿಗೆ ಹಾಗೆ ಅನ್ನಿಸುವಿದಿಲ್ಲ, ( ವೇಣು, ರಶ್ಮಿ, ದಯಾ, ಇರಾ ಇಂಥ orkut ) ಮಂದಿಯನ್ನು ಬಿಟ್ಟು.

ಅಂದ ಹಾಗೆ ನನ್ನ ಜೊತೆಗಿರಿವವನು ನನ್ನ ಜೊತೆಗೆ ಕ್ಮಾಮಾರಮೆನ್ ಆಗಿದ್ದ ಸತೀಶ್.

ಈತನದ್ದು ವಿಚಿತ್ರ ಪಯಣ. ಸಿನಿಮಾಕ್ಕಾಗಿ ದುಡಿಯುವ ಆರ್ಹತೆಯೆನ್ನು ಪಡೆದಿದ್ದರೂ.ಸುದ್ದಿ ಛಾನೆಲ್ಲ್ ಹಿಂದೆ ಬಿದ್ದಿದ್ದಾನೆ. ರಜತ್ ಶರ್ಮಾನ ಇಂಡಿಯಾ ಟಿ.ವಿ. ಸೇರಿದ, ಈಗ ಅಲ್ಲಿಂದ CNN IBN ಗೆ ಜಂಪ್ ಹೊಡೆದಿದ್ದಾನೆ. ಈಗ ಡೆಲ್ಲಿಯಲ್ಲಿ ಈತನದ್ದು ಕಾರುಬಾರು.

ನಾನು ಅವನ ಜೊತೆಗಿದ್ದರೂ ಮುಂದಿನ ಅವಕಾಶಕ್ಕೆ, ಹುಚ್ಚುಗಳು ಮಿತಿ ಮೀರಿ ಬೆಂಗಳೂರಿಗೆ ಬಂದಿದ್ದೇನೆ. ಮುಂದೆ ಗೊತ್ತಿಲ್ಲ

ನನ್ನ ತಂಗಿ....

2007-02-01T18:50:00.000-08:00

ಅಚ್ಚರಿ ಪಡಬೇಡಿ ಇವಳೇ ನನ್ನ ತಂಗಿ. ನನ್ನ ಕನಸುಗಳನ್ನು ನನಸು ಮಾಡಬೇಕು ಎನ್ನುವ ಪ್ರೇರಕ ಶಕ್ತಿಗಳಲ್ಲಿ ಈಕೆಯದ್ದು ಒಂದು ಪಾತ್ರವಿದೆ. ೧-೨ ಎರಡು ವರ್ಷದ ಸಂದರ್ಭದಲ್ಲಿ ಪಕ್ಕದ ಮನೆಯ ಪಿಲಿಪನ್ನ ಅವರ ತೋಟದ ಮಧ್ಯೆ ತೆಗೆದ ಫೋಟೋ. ಮಕ್ಕಳು ಹೇಗಿದ್ದರೂ ಚೆನ್ನ ತಾನೇ.

2007-01-31T06:35:00.000-08:00

ಹಳೆಯ ನೆನಪೊಂದನ್ನು ಇಲ್ಲಿ ತೇಲಿಸಿದ್ದೇನೆ. ನನ್ನ ಜೊತೆಗಿರುವವನು ಲ್ಯಾನ್ಸಿ. ಒಳ್ಳೆಯ ಕ್ಯಾಮಾರಮೆನ್ ಗೆಳೆಯ. ಆತನ ಜೊತೆ ಮತ್ತೆ ಒಳ್ಳೆಯ ದಿನಗಳಿಗೆ ಕಾದಿರುವೆ.

ಜಿಲ್ಲಾ ಪಂಚಾಯತ್ ಗೆ ಚುನಾವಣಿ ಸಂದರ್ಭದಲ್ಲಿ ಶಾಸಕ ಕೃಷ್ಣ ಪಾಲೇಮಾರ್ ಗೆ ಪ್ರಶ್ನೆ ಎಸೆದ ಸಂದರ್ಭ. ನನ್ನ ಪ್ರಶ್ನೆ ನಿಜವಾಗಿದೆ ಎಂಬುದು ಆ ಸಂಸ್ಥೆಯಲ್ಲಿ ಇಲ್ಲದೇ ಇದ್ದರೂ ಇರುವ ನೆಮ್ಮದಿ.

ಉಳಿದಿರುವುದು ನೋವು ಮಾತ್ರ..........

2007-01-31T06:19:00.000-08:00

ರೈಲು ಗಾಡಿಯ ಕುಲುಕಾಟಕ್ಕೆ
ನಿನ್ನ ಎದೆ ಕುಲುಕುತಿತ್ತು.
ನಾನೂ ಕುಲುಕುತ್ತಿದ್ದೆ ನಿನ್ನ ಮನಸ್ಸಿನೊಳಗೆ.

ನನ್ನ ಮೌನದೊಳಗೆ
ನಿನ್ನ ಕುಲುಕಾಟವಿಲ್ಲ
ಕಟ್ಟಿದ ಕನಸು ನುಚ್ಚು ನೂರಾಗಿತ್ತು
ಇನ್ನೆಲ್ಲಿ ಕುಲುಕಾಟ

ನಿರೀಕ್ಷೆ ಬೆಳೆದ ಬಗೆ
ಹೇಗೆ ಇಳಿದು ಹೋಯಿತು
ಗೆಜ್ಜೆಯ ದನಿಗೆ ಹುಚ್ಚನಾದದ್ದು
ಪ್ರೀತಿ ಬೆಳೆಸಿದ್ದು
ಕನಸು ಕಟ್ಟಿದು
ಮನೆಯವರ ಅಬ್ಬರಕ್ಕೆ
ನೀರಿನಂತೆ ಪ್ರೀತಿ ಕಟ್ಟೆಯೊಡೆದು ಕರಗಿತ್ತು.

ಈಗ ರೈಲು ನಿಂತಿದೆ
ಕುಲುಕಾಟವಿಲ್ಲ
ಈ ವರೆಗಿನ ಕುಲುಕಾಟದಲ್ಲಿ ನಾನೂ ಕರಗಿದ್ದೇನೆ.
ಪ್ರೀತಿಯೂ ಕರಗಿದೆ.
ಆದರೆ
ನೋವು ಉಳಿದಿದೆ.

For each ecstatic instant

2007-01-25T06:53:00.000-08:00

For each ecstatic instant

ಕನಸುಗಳಿಗೆ ಬರವೇ ?

2007-01-24T19:16:00.000-08:00

ತುಟಿಗೆ ತುಟಿ ತಾಗಿಸಿ
ರಸ ಹೀರಿದ ಕ್ಷಣ
ಕಾಮವೋ ಪ್ರೇಮವೋ ಗೊತ್ತಿಲ್ಲ.
ಆವಾಗ ನಾನು ಕಣ್ಣು ಮುಚ್ಚಿದೆ.

ಉಪ್ಪರಿಗೆಯ ಮೇಲೆ ಬೆಳದಿಂಗಳಿತ್ತು
ಅಂಗಳದಲ್ಲಿ ಮಲ್ಲಿಗೆ ಸೇವಂತಿ ಪರಿಮಳ
ಹರಡಿಕೊಳ್ಳುತ್ತಿತ್ತು.
ಮನೆಯ ಹೆಣ್ಣು ಬೆಕ್ಕು ಇನಿಯನ ಭೇಟಿಯಲ್ಲಿತ್ತು.
ನಾನು ನಾನಾಗಿರಲ್ಲಿಲ್ಲ.

ಒಳಗಡೆ,
ಒಲೆಯಲ್ಲಿ ತಾಯಿ ಇಟ್ಟ ಹಾಲು ಉಕ್ಕುತಿತ್ತು.
ಬೆಂಕಿ ಧಗ ಧಗ ಅನ್ನುವಂತೆ......

ಹೊರಗಡೆ,
ಗುಲಾಬಿ ಹೂವಿನ ಎಸಳಿನಿಂದ
ಇಬ್ಬನಿ ಜಾರಿತ್ತು.

ನಡು ರಾತ್ರಿ ದಿವ್ಯ ಮೌನ
ಎಲ್ಲವೂ ಮುಗಿದಿತ್ತು.
ಮಲ್ಲಿಗೆ, ಸೇವಂತಿ, ಗುಲಾಬಿ ಅರಳಿತ್ತು.
ಒಲೆಯ ಬೆಂಕಿ ಇದ್ದಿಲಾಗಿತ್ತು.

ಎರಡನೇ ದಿನಕ್ಕೂ ಮಾಸದ ನೆನಪು.

2007-01-23T06:51:00.000-08:00

ಮಂಗಳೂರಿನಿಂದ ಮರಳಿ ೨ ದಿನ ಕಳೆಯಿತು. ಮನದಲ್ಲಿ ಮತ್ತೇ ಆದೇ ಖಾಲಿ ಮೈದಾನ. ನೆನಪಿನಲ್ಲಿ ಏನಿದೆ ಅಂದರೆ ತಂಗಿಯ ಕಣ್ಣಂಚಿನ ಕಣ್ಣೇರು,ತಗ್ಗಿದ ತಾಯಿಯ ಸ್ವರ.ವಿಶ್ವಾಸದ ತಂದೆಯ ಮುಖ. ಜೊತೆಗೆ ಚಡ್ಡಿ ಗೆಳೆಯರಿಬ್ಬರೂ ಕಣ್ಣ ಮುಂದೆ ಪ್ರತೀ ದಿನ ನಿಲ್ಲುತ್ತಾರೆ.
ಮಂಗಳೂರಿಗೆನಾಗಿದೆ? ಮಂಗಳೂರು ಹೇಗಿದೆ ಎಂದು ಕೇಳಿದರೆ ಬದಲಾಗಿದೆ ಎನ್ನುವುದು ಸತ್ಯ. ಹೊಸ ಕಟ್ಟದ ತಲೆ ಏತ್ತಿದೆ. ದಿನ ನಿತ್ಯ ಸಿಗುತ್ತಿದ್ದ ಇನ್ಸ್ ಪೆಕ್ಟ್ ರ್ ೨ ಏನ್ ಕೌಂಟರ್ ಮಾಡಿದ್ದಾರೆ. ನನ್ನೂರಿನ ಬಸ್ಸುಗಳು ಹೊಸ ಬಣ್ಣ ಬಳಿದು ಹೊಸ ಹೊಸ ಹುಡುಗಿಯರನ್ನು ಹತ್ತಿಸಿಕೊಂಡು ಮಂಗಳೂರು, ಬಿ.ಸಿ. ರೋಡ್ ಎಂದು ಹಾರನ್ ಹೊಡೆಯುತ್ತ ಹೋಗಿ ಬರುತ್ತಿದೆ. ಅದರೆ ಜನ ಮಾತ್ರ ಆದೇ ಪೇಪರ್ ಓದುತ್ತಾರೆ ಆದರೆ ಟಿ.ವಿ. ಮಾತ್ರ ಬದಲಾಯಿಸಿದ್ದಾರೆ. TV9 ನ ಕೋಟ್ ANCHOR ಗಳ ಮಾತಿಗೆ ಬೆರಗಾಗಿದ್ದಾರೆ. ಹುಡುಗಿಯರೇ ನಡೆಸಿಕೊಡುವ ಕ್ರೈಂ ಸುದ್ದಿಯ ನಡುವೆ ಮುಳುಗಿ ಹೋಗಿದ್ದಾರೆ.ಮತ್ತೇ ಅದೇ ಪ್ರೀತಿಯ ಧಾರವಾಹಿ ಬಂದರೆ ರಿಮೋಟ್ ಕೈಗೆತ್ತುಕೊಳ್ಳುತ್ತಾರೆ.
ಮನೆ ಪಕ್ಕದ ಜಾಗವೆಲ್ಲ infosys ತನ್ನ ವಶಕ್ಕೆ ತೆಗೆದುಕೊಳ್ಳಲು ಸಿದ್ದತೆ ನಡೆಸಿದೆ. ಮನೆ ಪಕ್ಕದ ಬೋಳು ಗುಡ್ಡದಲ್ಲಿ infosys ತನ್ನ ವಶದ ೫೦೦ ಎಕರೆ ಜಾಗದಲ್ಲಿ ಕಾಮಗಾರಿ ಪ್ರಾರಂಭಿಸಿದೆ. ಬೆಳಕು ಕಾಣದ ಗುಡ್ಡದಲ್ಲಿ ಬೆಳುಕು ನೀಡಿದ ಚರ್ಚ್ ನ ಬೆಳಕನ್ನು ನುಂಗಿ ನೀರು ಕುಡಿದಂತೆ infosys ತನ್ನ ಬೆಳಕು ಬೀರುತ್ತಿದೆ. ಕೆಲ ವರ್ಷ ಕಳೆದರೆ ನಾನು ಎತ್ತರವಾದ ನೆಲದಲ್ಲಿ ಅಂದರೆ ನಮ್ಮ ಮನೆಯು ಸೇರಿದಂತೆ - ಜಾಗದಲ್ಲಿ infosys ಬೆಳೆದರೆ ಅಚ್ಚರಿಯಿಲ್ಲ.
ಮತ್ತೆ ಮಂಗಳೂರಿನ ಬಗ್ಗೆ, ನನ್ನೂರಿನ ಬರೆಯಿತ್ತೇನೆ. ಅಲ್ಲಿಯವರೆಗೆ.

ಕಿಕ್ ಗಾಗಿ ಮಾತ್ರ.

ಮದುವೆಯ ಹುಡುಗಿಗೆಗೆ ಕಚೇರಿಯಲ್ಲಿ ಮದುವೆಗೂ ರಜಾ ಕೊಡದಿದ್ದರೆ.?

ಚಿಂತೆ ಯಾಕೆ Moment ರಿಜಿಸ್ಟ್ ರ್ ನಲ್ಲಿ ಬರೆದು ಬಿಟ್ಟು ತಾಳಿ ಕಟ್ಟಿಸಿಕೊಳ್ಳಲು ಹೋದರಾಯಿತು.

ನೋವು - ಸಂತೋಷದೊಂದಿಗೆ ಪಯಣ.........

2007-01-13T03:21:00.001-08:00

ನನ್ನೊಳಗೆ ಹಲವು ಗೊಂದಲಗಳೊಂದಿಗೆ ಅದೆಷ್ಟೋ ತಿಂಗಳ ಬಳಿಕ ನನ್ನ ಊರಿಗೆ ಹೋಗಿಬರಲು ಸಿದ್ಧವಾಗಿದ್ದೇನೆ. ಬೆಂಗಳೂರಿನ ಅಪರೂಪದ ಅಕ್ಕನೊಂದಿಗಿನ ಮುನಿಸಿನಿಂದ ಮನಸ್ಸು ಯಾಕೋ ಕಾಡುತ್ತಿದೆ.
ಒಂದು ವಾರ ತಂಗಿ, ಹೆತ್ತವರೊಂದಿಗೆ ಇರಬಹುದು ಎನ್ನುವ ಖುಷಿ ಮತ್ತೊಂದೆಡೆ. ಜೊತೆಗೆ ನನ್ನದೇ ಆದ ಗೆಳೆಯರ ಬಳಗದೊಂದಿಗೆ ಸೇರಿಕೊಳ್ಳುವ ಕಾತರ, ಆತುರ ಇನ್ನೊಂದು ಕಡೆ. ಹಲವು ಗೆಳೆಯರ ಮುನಿಸುಗಳಿಗೆ ಉತ್ತರ ನೀಡಬೇಕಲ್ಲ ಎನ್ನುವ ಭಯ.ಜೊತೆಗೆ ನಾನು ಕಲಿತ ಶಾಲೆ ಕಾಲೇಜುಗಳತ್ತ ಒಂದು ನೋಟವನ್ನು ಬೀರಬೇಕು.ಪ್ರೀತಿಯ ದೇವರ ಸ್ಥಳಗಳಿಗೆ ಭೇಟಿ ನೀಡಬೇಕು, ಹಳೆಯ ಗೆಳೆತಿಯರನ್ನ ಮಾತನಾಡಿಸಬೇಕು. ಹೀಗೆ ಹತ್ತು ಹಲವು ಕಾರ್ಯಕ್ರಮದ ಪಟ್ಟಿ ನನ್ನ ಬಳಿ ಇದೆ.
ಬರುವಾಗ ಏನು ತರಬೇಕು ಅಂದರೆ ಕೋರಿ ರೊಟ್ಟಿಯ ಹೆಸರು ಪ್ರಥಮವಾಗಿದೆ.

ಇನ್ನೇನು ಬರೆಯಬೇಕು ಆದರೆ ಹೊರಡುವ ಖುಷಿ........ ಒಂದೆಡೆಯಾದರೆ. ಮತ್ತೆ ವಾಪಾಸು ಬಂದ ಮೇಲೆ ಮನಸ್ಸು ಜಾತ್ರೆ ಮುಗಿದ ಮರುದಿನದ ಮೈದಾನದಂತೆ ಭಣಗುಟ್ಟುತ್ತದೆ. ಕಡಲು ನೋಡಲೇಬೇಕು.........

ಸಿ.ಜಿ.ಕೆ ನೆನಪಿನಲ್ಲಿ ................

2007-01-12T00:28:00.000-08:00

ನಿನ್ನೆ ಸಹೋದ್ಯೋಗಿ ಮಿತ್ರ ಪ್ರಸಾದ್ ಜೊತೆಗೆ ನಾಟಕ ನೋಡಲು ಹೋಗಿದ್ದೆ. ಮಂಗಳೂರಿನಿಂದ ಕನಸಿನ ಮೊಟೆ ಹೊತ್ತು ಬೆಂಗಳೊರಿಗೆ ಬಂದಾಗ ನಾಟಕ, ಸೆಮಿನಾರ್, ಪುಸ್ತಕ ಪ್ರದರ್ಶನ,ಪುಸ್ತಕ ಬಿಡುಗಡೆ ನನಗೆ ಇನ್ನೂ ಹತ್ತಿರವಾಯಿತು ಅಂದುಕೊಂಡಿದ್ದೆ. ಆದರೆ ಆ ನಿರೀಕ್ಷೆ
ಸುಳ್ಳಾಗಿತ್ತು. ಮಂಗಳೂರಿನಲ್ಲಿದ್ದಾಗ ಸಂಪರ್ಕದಲ್ಲಿದ್ದ ಆನ್ವೇಷಣಿ, ದೇಶಕಾಲ, ಸಂಚಯ ದ ಬಗೆಗಿನ ನಿರೀಕ್ಷೆಗಳು ಕೂಡಾ ಸುಳ್ಳಾಗಿತ್ತು.
ಆದರೆ ನಿನ್ನೆ ಸಿ.ಜಿ.ಕೆ ನೆನಪಿಗಾಗಿ ರಂಗನಿರಂತರ ತಂಡ ರವೀಂದ್ರ ಕಲಾಕ್ಷೇತ್ರದಲ್ಲಿ ತೇಜಸ್ವಿ ಅವರ 'ಜುಗಾರಿ ಕ್ರಾಸ್'ನಾಟಕ ಇದೆ ಎಂದು ಪ್ರಸಾದ್ ಹೇಳಿದಾಗ ನಾನು ಅವನ ಜೊತೆ ಹೊರಟು ನಿಂತೆ. ಸಿಜಿಕೆ ಅಂದರೆ ನನಗೆ ನೆನಪಿರುವುದು ಅವರು ಮಂಗಳೂರಿಗೆ ಅವರದೇ ಪುಸ್ತಕದ ವಿಚಾರ ಸಂಕಿರಣಕ್ಕೆ ಬಂದ ದಿನ. ಸಂತ ಅಲೋಶೀಯಸ್ ಕಾಲೇಜಿನಲ್ಲಿ ನಡೆದ ಕಾರ್ಯಕ್ರಮ ಇನ್ನೂ ನೆನಪಿದೆ. ಅದಕ್ಕೆ ಕಾರಣವೂ ಇದೆ. ಕಾರ್ಯಕ್ರಮಕ್ಕೆ ಕಾರ್ಯ ನಿಮಿತ್ತ ಹಾಜರಾದದ್ದು ಇದಕ್ಕೆ ಮುಖ್ಯ ಕಾರಣ.
ನಿನ್ನೆಯ ನಾಟಕ ಚೆನ್ನಾಗಿತ್ತು. ಹೊಸ ಮುಖಗಳೇ ಇದ್ದ ಕಾರಣಕ್ಕೆ ಟೀಕೆ ಸಲ್ಲದ್ದು. ಕಾದಂಬರಿಯೊಂದನ್ನು ನಾಟಕಕ್ಕೆ ಇಳಿಸಿದ ನಟರಾಜ ಹೊನ್ನವಳ್ಳಿ ಅವರಿಗೆ THANKS ಖಂಡಿತಾ...........
ಕೆಲವೊಂದು ಪ್ರಥಮ ದೃಶ್ಯಗಳು ಬೇಸರ ಉಂಟು ಮಾಡಿದರೂ.. ಬಳಿಕ ಪರವಾಗಿಲ್ಲ.....
ಕ್ರಾಸ್,ಕ್ರಾಸ್,ಕ್ರಾಸ್,ಕ್ರಾಸ್....... ಜುಗಾರಿ ಕ್ರಾಸ್ ಹಾಡು ಇನ್ನೂ ಮನಸ್ಸಿನಲ್ಲಿದೆ.
ಒಟ್ಟಾರೆಯಾಗಿ ನಾಟಕ ಚೆನ್ನಾಗಿತ್ತು.ಮಲೆನಾಡು ಸಂಪದ್ ಭರಿತವಾಗಿದೆ ಎನ್ನುವ ಕಾದಂಬರಿ ಅಂಶವನ್ನು ನಾಟಕ ಪ್ರೇಕ್ಷಕರಿಗೆ ಮನದಟ್ಟು ಮಾಡಿದೆ.ಏಲಕ್ಕಿ ವ್ಯಾಪಾರದ ಸಾಬಿ, ಕಂಡಕ್ಟರ್ ಜೊತೆಗೆ ಕಾದಂಬರಿಯಲ್ಲಿ ಪ್ರಸ್ತಾಪವಾಗದೇ ನಾಟಕದಲ್ಲಿ ಪ್ರವೇಶವಾಗುವ ಪಾತ್ರಗಳು ನಾಟಕಕ್ಕೆ ಒಂದಿಷ್ಟು ಕಳೆ ತಂದಿದೆ. ರಂಗವಿನ್ಯಾಸ ಕೂಡಾ ನಾಟಕ ಕಳೆಗಟ್ಟುವಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ನಾನು ಮತ್ತೊಮ್ಮೆ ಕಾದಂಬರಿ ಓದಿದರೆ ಈ ಬಗ್ಗೆ ಇನ್ನಷ್ಟು ಬರೆಯಬಲ್ಲೆ.

ಕೊನೆಗೊಂದು ಕಿರಿಕ್!
ನಮ್ಮ ಊರಿನಲ್ಲೂ ಹಳೆಯ ಪರದೆ, ಸಿಂಗಲ್ ಸೆಟ್ಟ್ ನಾಟಕದ ಜಾಗದಲ್ಲಿ ಇಂತಹ ನಾಟಕಗಳನ್ನು ಪ್ರದರ್ಶಿದರೆ
ಹೇಗಿರಬಹುದು ?
* ಜನ ಆಯಗ್ ಮರ್ಲ್ ಅಂತಾರೆ.....( ಅವನಿಗೆ ಹುಚ್ಚು)

ಕನ್ನಡದಲ್ಲಿ ಕುಟ್ಟಲು ಆರಂಭಿಸಿದ ಹಿನ್ನಲೆ.

2007-01-12T00:05:00.000-08:00

ಕೆಲ ದಿನಗಳ ಹಿಂದೆ ORKUT ಬಳಗಕ್ಕೆ ಸೇರಿಕೊಂಡಾಗ ಕನ್ನಡದ ಬ್ಲಾಗುಗಳ ಪರಿಚಯವಾಯಿತು. ಮಂಗಳೂರಿನ ಪತ್ರಕರ್ತ ಗೆಳೆಯ ವೇಣುವಿನ ಬ್ಲಾಗು ಇಷ್ಟವಾಗಿತ್ತು.ನಾನು ಕನ್ನಡದಲ್ಲಿ ಬ್ಲಾಗು ಪ್ರಾರಂಭಿಸಬೇಕು ಎಂಬ ಹಠ ಗಟ್ಟಿಯಾಗಿತ್ತು. ಈ ಕಾರಣಕ್ಕೆ ನಾನು ಕನ್ನಡದಲ್ಲಿ ಬರೆಯಬೇಕು ಅನ್ನುವ ಕಾರಣಕ್ಕೆ ಆತನಿಗೆ ಪೋನಾಯಿಸಿದೆ. ಒಂದಿಷ್ಟು ಸಲಹೆ ಕೊಟ್ಟನಾದರೂ ನನಗೆ ಬರೆಯಲು ಸಾಧ್ಯವಾಗಲಿಲ್ಲ.ಬಳಿಕ ಹೀಗೆ ಅಂತರ್ ಜಾಲದೊಳಗೆ ಜಾರಿದ ಸಂದರ್ಭದಲ್ಲಿ ' ಸುಶೀಲ್' ಎಂಬವರ ಸುಸಂಕೃತ ಬ್ಲಾಗು ಪರಿಚಯವಾಯಿತು. ಅಲ್ಲಿ ಕನ್ನಡದಲ್ಲಿ ಹೇಗೆ ಬರೆಯಬೇಕು ಎನ್ನುವ ಬಗ್ಗೆ ಮಾಹಿತಿ ಇತ್ತು, ಆದರೂ ನನಗೆ ಮತ್ತೇ ಆದೇ ಸಮಸ್ಯೆ............
ಬಳಿಕ ಹೊಳೆದದ್ದು ಸಹಾಯಕ್ಕಾಗಿ ಸಹೋದ್ಯೋಗಿ ಶ್ರೀ ಗೆ ತಿಳಿಸುವುದು. ಆಕೆ ಕನ್ನಡದಲ್ಲಿ ಬರೆಯಲು ಸಫಲವಾದಗ ಹೊಟ್ಟೆ ಉರಿಯುತ್ತಿತ್ತು. ಆದರೂ ನನಗೆ ಬಾರೀ ಸಂತೋಷ. ಈ ಕಾರಣಕ್ಕಾಗಿ ತಡವಾಗಿ ಗೆಳತಿ- ಅಕ್ಕ ಶ್ರೀ ಗೆ ಪ್ರೀತಿಯ ಥ್ಯಾಂಕ್ಸ್ .

2007-01-10T04:47:00.000-08:00

ನಮಸ್ಕಾರ,
ಈ ದಿನ ಎಷ್ಟು ಖುಷಿ ಗೊತ್ತಾ........ ಹಲವು ದಿನಗಳಿಂದ ಕನ್ನಡದಲ್ಲಿ ಕುಟ್ಟಬೇಕು ಎನ್ನುವ ಆಶೆ ಇವತ್ತು ಈಡೇರಿದೆ. ಆದರೆ ಈ ಪ್ರಸಾದ್ ಯಾಕೋ ಕಾಡುತ್ತಾನೆ. ದಿನಾ ಹೀಗೆ. ಅವನಿಗೆ ಕುಡಿದ ವಿಸ್ಕಿ ತಲೆಗೆ ಹತ್ತಿದರೆ ಇಳಿಯುವುದಿಲ್ಲ. ಅದಕ್ಕೆ ನಾಳೆ ಮತ್ತಷ್ಟು ಬರೆಯುತ್ತೇನೆ. ಅವನ ಬಗ್ಗೆ ನನ್ನ ಬಗ್ಗೆ ಹೀಗೆ....................

2007-01-09T06:05:00.000-08:00

See this person enjoing................

guess ya Birthday..............? KANASU+DREMS ?

2007-01-09T06:00:00.000-08:00

I am cross just 24. Some time happy see another photo.......

2007-01-01T03:27:00.000-08:00

Meet

2007-01-01T02:25:00.000-08:00

Waiting Long time................. Now it is Ok............

Happy NA...........

2007-01-01T02:20:00.000-08:00

Wish u happy new year. Old Drems+ New Drems = ?.

2006-12-30T03:52:00.000-08:00

See this photo.than u tell me which is drems, which is love.

2006-12-30T03:37:00.000-08:00

hi,
I am Radhakrishna. Wait some time comming Soon New...........